METRO MANILA – Nasa 9 na lungsod na sa Metro Manila ang nakikitaan ng pagtaas ng kaso ng Covid-19. Ayon kay Health Undersecretary Maria Rosario Vergeire, nasa moderate ang pagtaas ng kaso sa mga naturang lugar kung saan mahigit na sa 1 ang reproductive number mula sa 0.8 nitong mga nakalipas na 5 Linggo.
Nangangahulugan ito na mahigit sa 1 tao na ang pwedeng mahawahan ng isang positibo sa Covid-19.
“It’s not really a surge yet, ano? Pero nakikita natin na ang kaso ay tumataas na sa iba ibang bahagi ng bansa. Kung hindi tumataas sa kanilang lugar, may areas na nagplataeu na po ang kanilang pagbaba ng kaso.ibig sabihin, sinasbai ng mga eksperto, this is risky because maari nang tumaas eventually in the coming days kung di mapipigilan ang ganitong practices ng ating mga kababayan.” ani DOH Spokesperson, Usec. Maria Rosario Vergeire.
Nakitaan na ring ng pagtaas ng kaso sa region 1, 2 at sa Cordillera Adminstrative Region
Pangamba rin ng mga eksperto na kapag hindi ito naagapan ngayon ay tiyak na mao- overwhelm mapupuno na ang hospital capacity ng bansa gaya ng naranasan ng bansa noong Hulyo.
“Ang mga kasapi ng HPAAC sa emergency departments ay marami nang dumadaing at nagwarn na dumadami ang pumapasok na kaso sa mga emergency department. Baka it’s already beginning and there are early signs of that surge: ang increase in number of cases is one, and calls for emergency departments that cases are increasing.” ani HPAAC Convenor, Dr. Antonio Dans.
Maging ang World Health Organization Western (WHO) Pacific Region nakikita rin ang pagtaas ng kaso ngayong holiday season sa mga bansa sa asya kapag nagpakakampante ang publiko.
Kaya naman payo ni WHO Western Pacific Regional Director Dr Takeshi kasai na isipin naman natin ang ating kapwa.
“I urge you to think about those who maybe at high risk of severe Covid. If you catch the virus you could unknowingly pass it on to your parents or your grandparents, your neighbor or friends with an underlying condition. I also urge you to think of health workers perhaps you have a friend or relative that are doctors or nurse , they have been working day and night for almost a year. They are exhausted and so please do evertyhing you can to avoid infection.” ani WHO Western Pacific Region Regional Director Dr. Takeshi Kasai.
Ayon pa sa mga eksperto posibleng umabot sa mahigit 4,000 Covid-19 case kada araw ang kaso sa ncr sa jan 2021 kapag hindi nasunod lahat ang ipinatutupad na minimum health standards.
Apela nila, sundin man lang ang 3 sa 4 na protocols at limitan sa 15 minuto ang exposure sa labas upang makaiwas na mahawa sa Covid-19.
(Aiko Miguel | UNTV News)
Tags: Covid-19, DOH, Health Protocol, NCR
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
