METRO MANILA – Epektibo para sa Department of the Interior and Local Government (DILG) ang pagpapatupad ng Executive Order Number 28 na naglilimita sa paggamit ng mga paputok at pagtatakda ng mga community fireworks display sa mga komunidad.
Ayon kay DILG Usec. Jonathan Malaya, ito na lamang ang kanilang ipatutupad dahil wala pa namang batas na pangbuong bansa na nagbabawal sa anomang uri ng paputok. Ang kongreso aniya ang may kapangyarihan para sa pagpasa na gayong batas.
“Fire crackers and Phyrotechniques kasi are legal. Pero may mga ipinagbabawal tayo under EO 28. Yung picolo, yung mga judas belt, yung goodby Philippines” ani DILG Usec Jonathan Malaya.
Ayon sa opisyal, bumaba naman ang mga aksidente at mga insidente ng sunog kaugnay sa paputok kumpara sa mga nagdaang administrasyon mula nang ipatupad ang kautusan.
Nagiikot aniya ang mga pulis at kawani ng Bureau of Fire Protection (BFP) para tiyaking walang ilegal na itinitinda.
Gaya aniya ng naunang pahayag ng Pangulong Rodrigo Duterte, ipinauubaya narin aniya nila sa mga lokal na pamahalaan kung magpapatupad sila ng total ban gaya ng Baguio at Davao City.
(Rey Pelayo | UNTV News)
Tags: firecracker ban, firecrackers
METRO MANILA – Napapanahon na para sa isang mambabatas ang firecracker ban sa Pilipinas.
Ayon kay Sen. Sherwin Gatchalian sa kabila ng mga direktiba kontra paputok, taon-taon na lamang ay mayroon pa ring nabibiktima nito.
Dapat din aniyang isaalang-alang ang idinudulot nitong psychological trauma at anxiety disorders pati na ang epekto sa mga alagang hayop.
Sa kanyang inihaing panukalang batas noong nakaraang taon, kailangang kumuha ng special permit mula sa PNP-Fireworks and Explosives Office para sa paggamit ng fireworks at iba pang pyrotechnic devices.
Tanging mga propesyunal lamang din aniya sa paggamit ng paputok ang maaaring magsagawa nito.
Naunang nanawagan si Department of the Interior and Local Government (DILG) Secretary Benhur Abalos na magpasa ng ordinansa ang mga Local Government Unit (LGU) na magbabawal sa paggamit ng paputok at sari-sariling fireworks display.
Naniniwala ang kalihim na kaya namang ipagdiwang ang selebrasyon kahit walang paputok at ligtas para sa lahat.
Isinusulong ng DILG ang supervised fireworks display sa common spaces sa mga komunidad gaya sa munisipyo at iba pang itinalagang lugar.
Tags: DILG, firecracker ban, LGU
METRO MANILA – Itinutulak ng Department of the Interior and Local Government (DILG) ang pagkakaroon ng isang kabuuang pagbabawal sa paggamit ng mga paputok sa buong Pilipinas.
Binigyang diin ni Secretary Benjamin ‘Benhur’ Abalos Jr. na dapat magpasa ng resolusyon ang mga Local Government Unit (LGU) para ipagbawal ang paggamit ng mga paputok sa kanilang nasasakupang lugar.
Inirerekomenda nito sa mga LGU na isaalang-alang ang paggamit ng pyrotechnic displays sa kanilang city halls bilang mas ligtas na alternatibo sa tradisyunal na paggamit ng mga paputok.
Sa isang ambush interview, inihayag ni Secretary Abalos na may ilang LGU na ang nagtakda ng kumpletong pagbabawal sa paggamit ng mga paputok at naglaan na lamang ng espesipikong lugar para sa maayos na fireworks display.
Nananawagan naman ang kalihim na na ng kaparehong ordinansa ang bawat mga bayan at lungsod sa bansa at gawing huwaran ang marami sa kanila na mayroong kaparehong proyekto.
Tags: DILG, firecrackers, LGU
METRO MANILA – Plano ng Metro Manila Council (MMC) na muling magtalaga ng firecracker zones sa bawat Local Government Unit (LGU) sa National Capital Region (NCR) ngayong holiday season.
Ayon kay MMC President at San Juan City Mayor Francis Zamora, layon nito na maging ligtas at mapayapa ang lahat kasabay ng pagpasok ng taong 2023.
Partikular na dito ang paggamit ng paputok na karaniwan nang nagdudulot ng aksidente sa daan-daang indibidwal kada taon.
Bunsod nito, binubo na ng Metro Manila Council ang mga panuntunan sa paggamit ng mga paputok sa kalakhang Maynila para sa darating na holiday season.
Kinumpirma naman ng Philippine National Police na hindi naman magpapatupad ng total ban sa paggamit ng paputok.
Ayon kay PNP Civil Security Group Director Police Major General Eden Ugale, regulation o pag kontrol lamang aniya ang ipinatutupad ngayon sa Pilipinas.
Ngunit bawal pa rin ang pagbebenta at paggamit ng mga malalakas na paputok.
Kabilang dito ang mga overweight o sobra sa timbang na mga paputok na umaabot sa mahigit sa 1/3 teaspoon o may katumbas na 0.2 gramo o higit pa na explosives.
Bawal rin maging ang sobrang laki o oversized na mga paputok, may fuse o mitsa na sobrang liit at nauubos sa kulang 3 segundo, o sobrang haba naman na mahigit sa 6 na segundo bago maubos.
Hindi rin pinapayagan ang mga imported at walang label na paputok, o may halong sulphur o phosphorous at chlorates.
Kabilang naman sa mga pinapayagan lamang na mga paputok o firecrackers ay ang baby rocket, bawang, small triangulo, pulling of strings, paper caps, el diablo, watusi, judas belt at sky rocket o kwitis.
Habang sa mga pailaw o pyrotechnics naman, tanging ang luces, jumbo, mabuhay, roman candle, trompillo, airwolf, whistle device at butterfly lamang ang pinapayagan.
Batay sa Republic Act 7183, sino mang mahuhuli na lumalabag sa naturang mga safety guidelines ay maaaring magmulta ng P20,000 – P30,000 o pagkakakulong ng aabot sa 6 na buwan hanggang 1 taon.
(Asher Cadapan Jr. | UNTV News)
Tags: firecrackers, MMC
