Bilang na ang araw ng mga nagtataasang presyo ng bigas sa mga pamilihan.
Ngayong ika-27 ng Oktubre ay pangungunahan ng Department of Agriculture (DA), National Food Authority (NFA) at Department of Trade and Industry (DTI) ang paglalagay ng suggested retail price (SRP) na isasagawa sa Commonwealth Market.
Ayon kay Agriculture Sec. Manny Piñol, mawawala na ang mga P60 na presyo ng premium rice dahil hanggang P43 na lamang ang SRP nito.
Oobligahin din ang mga retailer na ilagay sa kanilang mga karatula kung ang bigas ay imported o Filipino rice. Dapat ding nakalagay kung ito ay regular, well-milled, premium at special rice.
Ipagbabawal na ang paglalagay ng pangalan ng fancy rice gaya ng Mindoro Dinorado, Sinandomeng, Super Angelica, Yummy Rice at Double Diamond.
Bukod sa imported na premium, ang imported na well milled rice naman ay may SRP na P39 kada kilo.
Ang Philippine rice na regular milled ay P39, P44 ang well milled habang P47 naman sa premium.
Wala namang ilalagay na SRP sa special rice gaya ng Cordillera heirloom rice, organic brown, red and black rice, real Dinorado, Milagrosa, Jasponica, Doña Maria, Hinumay, Malido, Kamoros at Malagkit.
Ayon kay Piñol, maaaring kanselahin ang mga lisensya o patawan ng multa ang mga lalabag sa SRP.
Uunahing ipatupad ang SRP sa Metro Manila at isusunod naman ang ibang rehiyon. Hati naman ang reaksyon ng mga nagtitinda at mamimili ng bigas ukol dito.
( Rey Pelayo / UNTV Correspondent )
METRO MANILA – Inanunsyo ng Malacañang kahapon (April 16) na maaari ng makabili ang mga residente ng Metro Manila ng P39/kg. na bigas sa mga Kadiwa ng Pangulo (KNP) stores sa mga piling syudad sa National Capital Region (NCR).
Ayon kay Presidential Communications Secretary Cheloy Gerafil, hindi lang murang bigas ang mabibili sa KNP stores, mayroon ding mga prutas at gulay.
Ngayong araw (April 17), bukas ang KNP stalls sa employees park sa Taguig City hall, people’s park along McArthur highway sa Malinta, Valenzuela City; at Manila City hall inner court.
Maaari namang bisitahin ang official Facebook page ng Department of Agriculture (DA) para sa iba pang schedule at venue ng KNP stores.
Tags: bigas, DA, KNP Stores
METRO MANILA – Aprubado na ng Department of Trade and Industry (DTI) ang taas presyo ng ilan sa mga brand ng pangunahing bilihin tulad ng sardinas, gatas at sabon.
Inaprubahan na kamakalawa ng kagawaran ang pagtaas presyo ng syam na pangunahing bilihin na may Suggested Retail Price (SRP), bukod dito, 45 produkto pa ang nagbabadyang magtaas-presyo.
Ayon sa DTI, pinag-aaralan pa nila ito at may ilang dokumento pa na kailangan tingnan kaya hindi pa nila maaprubahan ang inilalapit nitong price adjustment.
METRO MANILA – Nilinaw ngayon ng Department of Agriculture (DA) na wala silang planong magtakda ng Suggested Retail Price (SRP) sa bigas.
Sa isang pahayag sinabi ni Agriculture Secretary Francisco Tiu Laurel Junior na hindi nila ito gagawin.
Paliwanag ng kalihim, hindi stable o pabago-bago ang presyo ng agriculutural products sa international market dahil sa epekto ng El nino.
Dahil dito hindi nila inirerekomenda ang pag-control sa presyo ng mga ito.
Sa naunang pahayag ng isang opisyal ng DA, sinabi nito na may konsultasyon nang ginagawa ang ahensya hinggil sa posibleng pagtatakda ng SRP sa bigas.
Pero ayon kay Secretary Laurel isa lamang ito sa mga early proposals, batay na rin sa mga remedyong nakasaad sa ilalim ng price act.
