Hindi dapat malito ang publiko sa pagkakaiba ng bagong limang pisong barya sa piso ayon sa Bangko Sentral ng Pilipinas. Kumpara sa piso, mas mabigat ang bagong five-peso coin, mas makapal at mas malaki. Makinis din ang gilid ng five peso coin hindi tulad ng piso.
Higit sa lahat, nakalimbag ang mukha ng bayaning si Gat Andres Bonifacio sa bagong limang piso at sa kabilang panig naman ay ang tayabak na isang natatanging uri ng halaman sa Pilipinas.
Pinaliwanag din ng BSP, ang dahilan kung bakit kinakailangan nilang magpalabas ng panibagong five-peso coin dahil sa coin shortage. Kaya para makatipid, binago din ang metallic composition ng five peso coin.
Bukod dito, ang naturang five peso commemorative coin ay inilabas din ng BSP bilang bahagi ng paggunita sa ika-isang daan at limampu’t apat na kaarawan ni Gat Andres Bonifacio at upang tugunan din ang malaking demand sa barya ngayong holiday season.
Samantala, muling nagpaalala ang BSP na wala nang extension sa deadline ng pagpapalit ng mga demonetized banknotes ngayong araw ng Biyernes.
Lahat ng magpapapalit ay kinakailangang pumila sa BSP Manila, Quezon City at regional offices at brances sa loob ng banking hours at sakaling hindi ma-accommodate ay bibigyan ng official forms upang makapagpapalit pa rin sila sa January 3, 2018.
Nagbabala rin ang BSP laban sa mga modus operandi na target maging biktima ang mga nagpapapalit ng lumang salapi.
( Rosalie Coz / UNTV Correspondent )
Tags: BSP, limang pisong barya, piso
METRO MANILA – Bahagyang bumilis sa 3.9% ang naitalang inflation rate sa bansa para sa buwan ng Mayo ngayong taon.
Ayon sa Philippine Statistics Authority (PSA), bahagyang mas mataas ito kumpara sa 3.8% na naitala noong Abril.
Gayunman ito na ang pinakamabilis na inflation rate na naitala ng PSA ngayong 2024.
Pero mas mababa pa rin ito kung ikukumpara sa 6.1% na record noong may 2023.
Paliwanag ng PSA, ilan sa mga factors na naka-ambag sa pagbilis ng inflation ay ang mabilis na pagtaas ng presyo ng housing, tubig at kuryente.
Gayundin ang presyo ng mga produktong petrolyo at transportasyon.
Sa isang pahayag sinabi naman ng Bangko Sentral ng Pilipinas na ang naitalang inflation rate ay pasok pa rin sa kanilang forecast ranger na 3.7% hanggang 4.5%.
METRO MANILA – Posibleng umabot sa 2.8% hanggang 3.6% ang maitatalang inflation rate sa bansa para sa buwan ng Pebrero ngayong 2024.
Base ito sa forecast ng Bangko ng Sentral ng Pilipinas (BSP).
Ilan sa mga bagay na posibleng makapagtaas sa galaw ng inflation ay ang patuloy na pagtaas ng presyo ng mga pagkain gaya ng bigas, karne, at isda. Gayundin ang presyo ng langis at kuryente.
Habang maaari rin itong hilain pababa dahil naman sa mababang presyo ng gulay, prutas at asukal.
Noong Enero umabot sa 2.8% ang naitalang inflation rate sa bansa o ang pagtaas ng presyo ng bilihin at iba pang pangunahing serbisyo na binabayaran ng mga konsyumer.
METRO MANILA – Posibleng umabot sa 5.1 hanggang 5.9% ang inflation rate o antas ng pagtaas ng presyo ng mga pangunahing bilihin at serbisyo sa bansa para sa October 2023 ayon sa pagtaya ng Bangko Sentral ng Pilipinas (BSP).
Ayon sa BSP, naging pangunahing dahilan dito ang mas mataas na presyo ng kuryente, LPG, mga prutas, gulay at ang pagtaas sa pamasahe sa jeep.
Maaari namang maka-contribute sa downward price pressures ang mas mababang presyo ng bigas, karne, at gulay. Gayundin ang pagbaba sa presyo ng produktong petrolyo.
Umabot sa 6.15% ang inflation noong September bunsod ng mataas na presyo ng pagkain partikular na ng bigas ayon sa Philippine Statistics Authority (PSA).
Mas mataas ito sa 5.3% inflation na naitala noong August 2023.
