Hindi papayagan ng lokal na pamahalaan ng Quezon City ang mga tricycle na ginagawang school service ngayong pasukan.
Ayon sa city administrator ng lungsod, bukod sa hindi otorisado ng land transportation franchising and regulatory board, wala ring insurance ang mga tricycle hindi gaya ng mga lehitimong school service.
Sa umiiral na ordinansa ng Quezon City, hanggang tatlong tao lamang ang pwedeng isakay ng tricycle at bawal ang bata na mag back ride.
Huhulihin ng lokal na pamahalaan ng Quezon City ang sinomang lalabag sa ordinansa at pagmumultahin ng tatlong libo hanggang limang libong piso.
Sa Quezon City, nasa apat na pung libo na ang tricycle bukod pa dito ang mga kolorum kaya sa dami nito ay nahihirapan ang lokal na pamahalaan sa monitoring.
Samantala, sangayon naman ang LTFRB sa hakbang na ito ng Quezon City.
Dahil dito, susulatan ng ltfrb ang mga lokal na pamahalaan upang makiusap na huwag na ring pahintulutan ang mga tricycle na gawing school service.
Ang mga tricycle sa buong bansa ay hindi nasasakop ng LTFRB at ito ay nasa hurisdiksyon ng mga lokal na pamahalaan.
(Mon Jocson / UNTV Correspondent)
METRO MANILA – Sa tala ng Department of Education (DepED) kahapon (August 12) umabot na sa 394,478 ang bilang ng mga mag-aaral sa pribadong paaralan ang lumipat sa public schools.
Mahigit 240,000 dito ay galing sa Elementary, 105,000 sa Junior High School, 41,630 naman sa Senior at mahigit 6,000 na mag-aaral na may kapansanan o non-graded.
Una nang sinabi ng deped, na bunsod na rin ito ng krisis sa pinansyal kaya lumipat ang mga ito.
Samantala, muling nilinaw ng DepED na hindi nila inoobliga ang mga mag-aaral sa pagsusuot ng uniporme sa pampublikong paaralan batay sa Department Order 65.
Kasunod ito ng balita na hinikayat ng isa nilang opisyal sa cebu na magsuot pa rin ng school uniform ang mga mag-aaral kahit online ang klase.
Ayon kay Undersecretary Jess Mateo, hindi ito requirement sa panahon ng krisis sa pinansyal bunsod ng pandemya.
“Kasi noong face to face nga hindi natin nire-require e bakit pa natin ire-require kasi ang rationale dun ayaw naman natin na dagdagan pa ng gastos ang ating mga magulang” ani DepED Usec. Jess Mateo.
Pero pagdating sa pribadong paaralan, hindi na saklaw ng deped kung oobligahin pa rin ng mga ito o hindi ang mga estudyante sa pagsusuot ng uniporme.
Samantala, sinagot din ng DepED ang tanong kung pinapayagan pa rin ba ang guro na kumontak sa kanilang estudyante kahit weekends.
Pwede itong gawin lalo na kung may kinalaman sa leksyon ng bata at para magabayan sa kanyang pag-aaral kahit na distance learning lamang ang pamamaraan.
“Kailangan lang ready tumulong ang ating mga guro at sigurado ako na walang guro na hindi tutulong sa kanilang mag-aaral” ani DepED Usec. Jess Mateo.
Sa usapin naman ng posibleng pagkaantala ng online learning dahil sa maaring brownouts lalo na kapag may bagyo o sama ng panahon.
Sinabi ng DepED na may ahensya naman na nakahanda para tumulong sa kanila.
Una nang nangako ang Department Of Energy (DOE) ng stable na suplay ng kuryente ngayon taon.
Mataas ang power reserve dahil sa mababa ang demand kasunod ng pagsara ng maraming negosyo sa panahon ng community quarantine.
Nakahanda rin ang mga Local Government Unit (LGU) sa pag-agapay sa mga guro at mag-aaral sa kani-kanilang nasasakupang lugar.
(Dante Amento | UNTV News)
Tags: DepEd, Private, Public, school service
METRO MANILA – Sa pinabagong ulat ng Quezon City local government, umakyat na sa 2000 ang naitalang kaso ng coronavirus disease 2019 sa lungsod. Kung saan 841 sa mga ito ang active cases.
Muli namang nadagdagan ng tatlo ang bilang ng mga namatay sa lungsod dahil sa Covid-19, kaya’t kung susumahin ay mayroon nang 169 total deaths ang Quezon City.
Patuloy namang dumarami ang mga indibidwal na gumaling na sa sakit na ngayon ay umaabot na sa 624.
Sa ngayon ay nakipag-partner na rin ang QC local government sa isang pribadong kumpanya para mas mapalawak pa ang pagsasagawa ng rapid testing. Anila malaking tulong ito upang mas madaling matukoy at maihiwalay ang mga residenteng apektado ng Covid-19 upang agad na magamot.
Nauna nang nagpatupad ng special concern lockdown ang QC LGU sa mga piling lugar sa lungsod kung saan naitala patuloy na pagtaas ng kaso ng Covid-19.
Ang Quezon City ang lungsod sa Metro Manila na may pinakamaraming populasyon, at may pinakamataas na kasong naitala ng coronavirus disease.
(Joan Nano)
Tags: Coronavirus Disease, Covid-19, Quezon City
METRO MANILA – Mahigpit nang ipatutupad ng pamahalaang lungsod ng Pasay at Quezon City ang kanilang ordinansa na ipinagbabawal ang mga walang damit pang itaas.
Lahat ng mahuhuli ay pagmumultahin ng hanggang P4,000 at 1 araw na community service ang parusa sa mga lalabag dito.
Layon ng mga ordinansang ito na makapagtanim ng kabutihang asal at pagiging disente sa publiko. Samantala tanggap naman ng ilang mga residente na maganda ang intensyon ng naturang batas.
(Asher Cadapan Jr. | UNTV News)
Tags: Pasig city, Quezon City
