Ngayong araw ang ika-anim at posibleng huling pagdinig ng Senado sa kontrobersyal na 86-million US dollars money laundering activity bago gumawa ng pinal na ulat at rekomendasyon para sa 17th congress ang Blue Ribbon Committee kaugnay ng isyu.
Noong nakalipas na pagdinig April 19, ipinahayag ni Senate Blue Ribbon Committee Chair at Outgoing Senator Teofisto Guingona The Third na parating may kontra-kontrang pahayag ang mga pangunahing isinasangkot sa pinakamalaking money-laundering sa kasaysayan ng banking industry sa bansa.
Partikular na rito ang delivery ng milyong pisong halaga ng salapi at dolyar sa bahay ng mga executives ng remittance company ng Philrem.
Kabilang sa mga iniimbestigahan ng Senado sina dating RCBC Jupiter Branch Manager Maia Deguito, Junket Operator Kam Sin Wong at ang mga Philrem executive na sina Salud at Mark Bautista.
Ngayong araw, inaasahang isasalang ang accountant ng Philrem na una nang iniulat na nagresign na umano.
Pinapatawag ng senado ang accountant upang imbestigahan ang tax na binabayad ng kumpanya lalo na’t una nang ipinahayag na hindi ito nagbabayad ng tamang buwis.
Inaakusahan din ang Philrem sa unaccountable na 17-million US dollars.
(Rosalie Coz / UNTV Correspondent)
Tags: $86-million money laundering activity, Senate Blue Ribbon committee
Hindi nagbabalak ang Senate Blue Ribbon Committee na pinangungunahan ni Sen. Richard Gordon na magsagawa ng sariling imbestigasyon sa nangyaring insidente sa rally kahapon sa tapat ng US Embassy sa Maynila.
Bagaman naniniwala si Sen.Gordon na malaki ang pananagutan ng mga pulis sa nangyari, hahayaan muna niya ang Philippine National Police na gumawa ng sariling aksyon sa nangyari.
Tags: hindi magsasagawa ng sariling imbestigasyon, rally kahapon, Senate Blue Ribbon committee, US embassy
Pinahintulutan na ng RCBC ang Senate Blue Ribbon Committee na imbestigahan nito ang detalye kaugnay ng apat na private bank accounts sa Jupiter Branch ng RCBC.
Sa tatlong nakalipas na pagdinig, iginiit ng RCBC management na hindi sila maaaring magsalita ng detalye kaugnay ng apat na account dahil sa bank secrecy law bagama’t fictitious account ito.
Apat na dollar accounts ang binuksan umano ni dating RCBC Branch Manager Maia Deguito at isang Chinese national na si Sua Hua Gao kung saan ipinasok ang 81-million US dollars noong February 5, 2016.
Subalit sa pagdinig ng senado noong April 5, isang ahensya ng gobyerno partikular na ang Land Transportation Office ang nagpatunay na peke ang mga id na ginamit sa pagbubukas ng account sa RCBC Jupiter Branch.
At dahil hindi maco-contact ang indibidwal sa address na naka-file sa bangko, otomatikong maiko-close ang account nito.
At kung closed na ang isang bank account, hindi na ito sakop ng bank secrecy law.
Una nang pumirma si William Go ng waiver katunayang pumayag siyang maimbestigahan at mapag-usapan sa publiko ang account na ipinangalan sa kaniya sa RCBC Jupiter Branch dahil gawa-gawa lamang ito.
Subalit hindi pa rin pumapayag ang Philrem na i-waive ang karapatan nito sa bank secrecy law.
Samantala, inaasahang iimbestigahan din ng Senado ngayong araw ang Philrem messenger na si Mark Palmares, na binanggit na kasamang nagdeliver ng pera kay Weikang Xu sa Solaire.
(Rosalie Coz / UNTV Correspondent)
Tags: $81-million laundered money, apat na accounts, Senate Blue Ribbon committee
Naglabas na ang Senate Blue Ribbon committee ng arrest order laban sa 14 na indibidwal na umano’y mga dummy ni Vice president Jejomar Binay.
Kasama sa listahan si Gerardo Limlingan, Vissia Marie Aldon, Danilo Villas, Aida Alcantara,Hirene Lopez,Irene S.Chong, Imee S.Chong, Kim Tun S.Chong, Irish S.Chong, Erlinda S.Chong, Kimsfer S.Chong, Anne Lorraine Buencamino-Tiu, James Tiu at Antonio Tiu.
Ayon kay Senate Blue Ribbon subcommittee chairman Sen. Koko Pimentel, sa lalong madaling panahon ay pwede ng hulihin ang mga nabanggit na pangalan kung saan idi-ditene ang mga ito sa Senado hanggang sa susunod na hearing sa May 28.
Kung hindi na sila ma-accomodate sa Senado ay hihingi sila ng tulong sa Pasay City Jail para sa paglulugaran ng mga ito.
Samantala, tinanggal sa listahan sina Engr.Mario Badillo at Tomas Lopez dahil nangako ang mga ito na darating sa may 28 hearing.
Sina Eduviges “Ebeng” Baloloy, Engr. Line Dela Peña at Bernadette Portillano ay ang mga unang napatawan ng arrest order.
Ang contempt charges ng mga nabanggit ay bunsod ng patuloy na hindi pagsipot sa isinasagawang pagdinig sa Makati Parking building sa Senado. (Meryll Lopez/UNTV Radio)
Tags: Sen. Koko Pimentel, Senate Blue Ribbon committee, VP Binay
