Hindi magsasalita o maghahayag ng mga pangalan si Pangulong Rodrigo Duterte kung wala itong matibay na basehan o ebidensiya.

Ito ang sinabi ng malakanyang kaugnay ng akusasyon na trial by publicity ang pagsasapubliko ni Pangulong Duterte sa limang heneral na umanoy sangkot sa illegal drugs operation.

Dagdag pa ni Chief Presidential Legal Counsel Salvador Panelo, hindi pagpapahiya ang ginawa ng pangulo sa halip ay mabuti itong pagkakataon upang magpaliwanag ang mga inaakusahan na sangkot sa ilegal na droga.

Ang pahayag na ito ng Malakanyang ay bunsod ng ilang umano’y kritisismo ng mga netizen at ilang grupo.

Sinabi rin ni Panelo na ilalabas rin ang mga ebidensya laban sa limang heneral sa tamang panahon.

(Nel Maribojoc / UNTV Correspondent)

Tags: illegal drugs operation, Malakanyang, trial by publicity