Pinabulaanan ng Philippine Atmospheric Geophysical Astronomical Services Administration o PAGASA ang kumakalat sa social media na may tatamang umanong bagyo sa Pilipinas na kasing lakas ng bagyong Yolanda.
Ayon kay PAGASA Administrator Dr. Vic Malano, hanggang sa matapos ang 2017 ay wala silang nakikitang sobrang lakas na bagyong mananalasa sa bansa subalit maaari itong maulit sa hinaharap. Nanawagan din ang PAGASA sa mga nagpapakalat ng maling impormasyon na tigilan na ang paggawa nito.
Samantala, sasailalim sa rehabilitasyon ang flood forcasting and warning system sa Bicol River basin na pinondohan ng Japanese government ng 900 million yen o mahigit sa 400 milyong piso. Nasasakop ang kahabaan ng ilog na mula sa lalawigan ng Albay hanggang sa Camarines Sur.
Ayon kay Secretary Fortunato Dela Peña ng DOST, pangatlo ang Pilipinas sa pinaka lantad na bansa sa mundo sa mga bagyo gayon din sa iba pang natural disaster.
Ayon naman kay Camarines Sur Governor Migs Villafuerte, malaking tulong ito para sa kanilang lalawigan na bukod pa sa kanilang sariling monitoring equipments.
Noong 2016 lamang ay daang libong pamilya ang naapektuhan nang manalasa ang bagyong nina sa Camarines Sur.
( Rey Pelayo / UNTV Correspondent )
Tags: bagyong Yolanda, PAGASA, social media
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Inihayag ng State Weather Bureau PAGASA na nasa transition period na ang bansa sa tag-ulan o rainy season.
Dahil dito, inaasahan na sa darating na mga araw na mas magiging madalas na ang mga pag-ulan sa iba’t ibang bahagi ng bansa.
Ayon kay Climate Monitoring and Prediction Section Chief ng PAGASA na si Ana Liza Solis, posibleng sa 3rd quarter ng taon papasok ang La Niña kasabay ng kasagsagan ng hanging habagat o southwest monsoon.
Kaya posibleng mararanasan ang malalakas na mga pag-ulan hanggang Disyembre.
