Higit kumulang isang daan ang dumalo sa komemorasyon ng ika-8 anibersaryo ng malagim na November 23, 2009 massacre sa Maguindanao.
Pinangunahan ni Gov. Esmael “Toto” Mangudadatu ang pagunita mga kaanak at mga kaibigan sa kalunos-lunos na sinapit ng mga biktima. Kasama ang asawa ni Gov. Mangudadatu, mga kapatid at supporters sa limampu’t walong indibidwal na tinambangan sa bayan ng Ampatuan.
Sinabi ng gobernador na sadyang naging mabagal ang usad ng kaso sa mga nagdaang taon kahit mabigat ang ebidensya na hawak nila laban sa mga nasasakdal dahil na rin aniya sa delaying tactics ng mga ito. Gayunman, malaki ang pag-asa ni Mangudadatu na sa kasalukuyang administrasyon ay makukuha na nila ang matagal ng hinahangad na hustisya.
Nangako naman si Magudadatu na bagamat matatapos na kaniyang termino ay hindi siya titigil siya hanggat hindi nakakamit ang hustisya.
Samantala, patuloy parin ang programa sa mismong pinangyarihan ng massacre kung saan magkakaroon prayer vigil at lighting of candles.
( Dianne Ventura / UNTV Correspondent )
Naniniwala ang Malacañang na nakapamayani ang rule of law nang maglabas ng hatol ngayong araw, (Dec. 19, 2019) si Quezon City Regional Trial Court branch 221 Judge Jocelyn Solis-Reyes laban sa mga akusado sa pinakamatinding election-related violence sa bansa – ang Ampatuan massacre.
Ilan sa mga miyembro ng Ampatuan clan ang hinatulang guilty beyond reasonable doubt at habambuhay na pagkakakulong.
Ayon kay Presidential Spokesperson and Chief Presidential Legal Counsel Salvador Panelo, naglabas na ng desisyon ang Korte batay sa mga inihaing ebidensya ng prosekusyon at defense.
“The palace welcomes — as it respects — the decision rendered by Judge Jocelyn Solis-Reyes of branch 221 of the regional trial court of Quezon City on the decade-long case where 58 individuals, 32 of whom were media workers, were assassinated in Ampatuan, Maguindanao last november 23, 2009,” ani Sec. Salvador Panelo, Presidential Spokesperson and Chief Presidential Legal Ccounsel.
At bagaman may magkakaibang reaksyon kaugnay ng promulgation, maaari naman aniyang i-apela ang naturang hatol. Partikular na sa Korte Suprema.
“Those who disagree with the judgements of the court have legal remedies under disposal. Ultimately, it will be the supreme court that will give the final judgement. For now, what is important is that the rule of law has prevailed,” dagdag ni Sec. Salvador Panelo, Presidential Spokesperson and Chief Presidential Legal Ccounsel.
Samantala, pinuri naman ng Palasyo ang mga opisyal ng Executive Branch Partikular na ang mga prosecutors gayundin ang mga official na nagtataguyod ng press freedom at Human Rights habang dinirinig ang kaso ng Ampatuan massacre.
Muli ring binigyang-diin ng Malacañang na ‘di na dapat pang maulit ang ganitong uri ng karumal-dumal na krimen sa bansa kaya itinataguyod aniya ni Pangulong Duterte ang law and order.
(Rosalie Coz)
Tags: Amapatuan massacre, Ampatuan, Malacañang, SEC
