Nakangiti at bakas ang kasiyahan sa mukha ni dating Senador Jinggoy Estrada ilang minuto matapos ibaba ang hatol sa kaniyang matalik na kaibigan na si dating Senador Bong Revilla Jr.
Speechless daw siya sa pagkakataong ito matapos ilabas ang unang desisyon kaugnay ng pork barrel scam. Payo niya sa kaibigan na maglaan ng ‘quality time’ sa pamilya.
Isa si Estrada sa mga idinawit sa ten billion peso pork barrel scam. Subalit pansamantala itong nakalaya matapos payagan ng korte na magpiyansa ng 1.33 milyong piso.
Bukod kay Estrada, pinayagan din ng Sandiganbayan na makapagpiyansa ang kapwa akusado na si dating Senate President Juan Ponce Enrile.
Ayon sa isang legal expert at dean mula sa San Beda College of Law na si Ranhilio Aquino, kahit parehong plunder ang kaso nina Revilla, Estrada at Enrile kaugnay ng pork barrel scam, hindi ito nangangahulugan na ang desisyon sa kaso ni Bong ay siya ring magiging desisyon sa kaso ng dalawang dating mambabatas.
Bukod dito, ipinaliwanag ni Dean Aquino na may mga pagkakataon na bagaman ‘not guilty’ ang sintensya ay pinagbabayad pa rin ng korte ang dating akusado sa civil liability nito, tulad ng kaso ni Bong na ipinasasauli ang P124 milyon.
Sa ngayon ay nililitis pa rin ang kasong pandarambong ni Jinggoy sa Sandiganbayan. Umaasa naman siyang ma-aacquit siya sa naturang kaso.
( Mai Bermudez / UNTV Correspondent )
Tags: Bong Revilla, Jinggoy Estrada, Sandiganbayan
Matapos ang mahigit apat na taong pagkakakulong, acquitted ang hatol ng Sandigan Bayan First Division kay dating Senador Ramon “Bong” Revilla Jr.
Sa desisyon ng korte, hindi umano napatunayan ng prosekusyon na tumanggap si Revilla ng komisyon o kickback mula sa kanyang Priority Development Assistance Fund (PDAF). Kaya pinawalang-sala ang dating mambabatas sa 224.5-million peso plunder case. Emosyonal ang pamilya Revilla ng marinig ang hatol ng korte.
Kasama ng aktor ang asawang si Bacoor City Mayor Lani Mercado-Revilla at ang apat na anak na sina Ryan, Gianna, Rodette at Cavite Vice Governor Jolo Revilla ng basahan ito ng hatol sa kaso.
Maliban sa mga taga-suporta, naroon rin sa loob ng court room si dating Senador Jinggoy Estrada na nahaharap din sa kaparehong kaso. Nagpaabot ng pasasalamat ang dating senador sa lahat ng sumuporta sa kanya.
Ayon kay Revilla, sa ngayon ay pagtutuunan muna niya ng panahon ang kaniyang pamilya.
Kabilang sa mga justice na bumoto pabor kay Revilla ay sina Associate Justices Geraldine Econg, Edgardo Caldona at Georgina Hidalgo. May disenteng opinyon naman sina Associate Justices Efren Dela Cruz at Ma. Theresa Dolores Gomez-Estoesta.
Nanatili naman ang 16 counts ng kasong graft ni Revilla, pero pinayagan na siyang magpiyansa ng 480 libong piso para sa kanyang pansamantalang kalayaan.
Samantala, guilty naman ang naging hatol ng korte kay Richard Cambe na dating chief of staff ni Revilla at kay Janet Napoles na tinuturong mastermind sa pork barrel scam.
Tumanggi si Cambe na magbigay ng reaksyon sa naging hatol sa kanya ng korte. Reclusion perpetua ang ipinataw na parusa ng korte sa dalawa.
Samantala, inatasan naman ng korte sina Revilla, Cambe at Napoles na isaulo ang 124 milyong piso sa National Treasury, pero iaapela ito ng kampo ni Revilla.
( Grace Casin / UNTV Correspondent )
Tags: Bong Revilla, Mayor Lani Mercado, PDAF
May utos na ang Sandiganbayan na arestuhin si dating first lady at ngayo’y Ilocos Norte Congresswoman Imelda Marcos matapos mahatulang guilty sa mga kasong katiwalian.
Batay sa kautusan ng Sandiganbayan 5th Division noong Biyernes, pina-iisyuhan ng warrant of arrest si Imelda dahil hindi sumipot sa pagbasa ng kanyang sentensiya.
Kinumpiska na rin ng Sandiganbayan ang inilagak nitong piyansa at pinapagpaliwanag sa loob ng tatlumpung araw.
Ipinagpaliban ng Sandiganbayan ang arraignment o pagbasa ng sakdal kay dating Pangulong Benigno Aquino III kaugnay sa Mamasapano incident.
Ito’y matapos maglabas ng temporary restraining order noong February 9 si Chief Justice Maria Lourdes Sereno na chairman ng First Division ng Supreme Court.
Ang inilabas na TRO ay bilang tugon sa apela ng Volunteer’s Against Crime and Corruption sa desisyon ng Ombudsman na kasuhan lamang si Aquino ng graft at usurpation of authority sa halip na reckless imprudence resulting to homicide.
Bukod dito, inatasan din ng SC ang Ombudsman na huwag munang ituloy ang kasong isinampa laban kina Aquino, dating PNP Chief Alan Purisima at dating PNP-SAF Director Getulio Napeñas.
Suportado rin ni Solicitor General Jose Calida ang petisyon ng VACC at sinabing dapat makasuhan ng criminal negligence si Aquino dahil sa pagkamatay ng 44 na tauhan ng PNP-SAF sa Mamasapano incident.
( Rey Pelayo / UNTV Correspondent )
Tags: Aquino, Mamasapano incident, Sandiganbayan
