Makailang ulit na ring naibabalita ang mga menor de edad na madalas ginagamit ng mga sindikato tulad sa mga transakyon ng iligal na droga.
Isa ito sa dahilan kung bakit isinusulong ni Bagong Herasyon Partylist Representative Bernadette Herrera Dy ang House Bill 7110 o nationwide curfew bill.
Sa ilalim ng panukalang batas, ang mga menor de edad o 18 years old pababa ay nasasakop ng nationwide curfew na mula alas dyes ng gabi hanggang ala singko ng madaling araw. Positibo naman ang tanggap dito ng ilang haligi ng tahanan.
Si PNP Chief Ronald Dela Rosa , matagal nang pangarap na magkaroon ng curfew sa buong bansa dahil sinasamantala ng masasamang loob ang mga kabataan.
Ayon pa kay Representative Dy, ang panukalang batas ay hinango nila sa Quezon City Ordinance na idineklarang naayon sa Saligang Batas ng Korte Suprema noong August 8, 2017.
( Lea Ylagan / UNTV Correspondent )
METRO MANILA – Sinimulan na ng Pateros Local Government ang pagre- rehistro sa mga nasa 12- 17 taong gulang na magpapabakuna kontra COVID-19.
Ayon kay FDA Dir General Eric Domingo, isa itong magandang hakbang sa mga naghihintay ng vaccine rollout para sa mga Pilipinong menor de edad.
“It’s a great initiative on the part of the LGU na ngayon pa lang mag-umpisa na silang magregister ng mga adolescents, kasi darating naman talaga tayo doon. Darating din naman yung panahon na magbabakuna ng mga bata, it would be good I think for LGUs to prepare para kapag sinabi ng DOH na ok we have enough pwde na tayong mag- vaccinate ng adolescents, pwede na agad islang makapag- roll out” ani FDA Director General, Usec. Eric Domingo.
Ayon pa sa fda, kailangan lang talagang hintayin ang go signal ng pamahalaan bago masimulan ang pagbabakuna kontra COVID-19 sa mga kabataan.
Prayoridad pa lang ngayon ng pamahalaan na makakumpleto ng kanilang COVID-19 shots ang nasa A1 hanggang A5 sector.
“Low risk pa rin ang mga bata bagama’t nagkakaroon ng marming cases across all ages pati sa mga bata, sila pa rin ang lowest risk of getting COVID and lowest risk of getting severe COVID” ani FDA Director General, Usec. Eric Domingo.
Sa ngayong ang Pfizer at Moderna pa lang ang may amended Emergency Use Authorization sa bansa na maaaring gamiting bakuna para sa mga 12 taong gulang pataas.
Samantala ayon sa FDA, hindi pa nagsusumite ang Pfizer ng kanilang certificate of product registration sa Pilipinas para maibenta ito sa merkado at mabili ng mga pribadong sektor at sinomang indibidwal.
Wala ring bagong vaccine manufacturer na nagsumite ng Emergency Use Authorization (EUA) application sa Pilipinas ayon sa FDA.
(Aiko Miguel | UNTV News)
Tags: COVID-19 VACCINATION, FDA, menor de edad
METRO MANILA – Tanging mga edad 18-65 lamang ang papayagang lumabas sa kanilang mga tahanan simula ngayong araw (March 17) dahil sa patuloy na pagtaas ng bilang ng kaso ng COVID-19 sa Metro Manila.
Kaugnay nito, sa pangunguna ng Metro Manila Council at pakikipagtulungan ng Metropolitan Manila Development Authority o MMDA naghain ng isang resolusyon ng pagbabawal sa mga minor na may edad 15-17 na lumabas ng kanilang bahay sa loob ng dalawang linggo.
Ayon kay MMDA Chairman Benhur Abalos, pinagkasunduan ng Metro Manila Mayors ang implementasyon nito sa kanilang lugar upang mapigilan ang pagkalat ng nakakahawang sakit.
Aniya, ang pagpapatupad ng age restriction sa Metro Manila ay dahil sa mabilis na pagtaas ng bilang ng COVID 19 cases sa mga lugar.
Dagdag pa niya, sundin na lamang ang mga minimum health protocols at mas maging maingat lalo ang mga pamilya.
“As I’ve said before, the metro mayors and MMDA are regularly monitoring the COVID-19 numbers and we will implement calibration and changes on our directives depending on the figures that we have,” ani MMDA Chairman Benhur Abalos.
Matatandaan na nagkasundo rin ang Metro Manila Mayors na tanggalin ang age restriction para sa pagpapataas ng ekonomiya ng mga lungsod.
(Jasper Barangan | La Verdad Correspondent)
Tags: menor de edad
MANILA, Philippines – Binunyag muli ni Pangulong Rodrigo Duterte na may mga opisyal sa gobyerno na nanatiling may kaugnayan sa iligal na droga.
Sa kanyang pagdalo sa Valdai Forum sa Sochi City sa Russia noong Biyernes (October 4), sinabi ng Pangulo na may dalawa pang heneral na umano’y patuloy na nasasangkot sa transaksyon sa iligal na droga.
Subalit, tila nag-iba ang tono ng Pangulo dahil sa kanyang arrival speech sa Davao City Kahapon ng hapon (October6).
Paliwanag ng Pangulo kung bakit binago nya ang nauna nyang pahayag. Ayon naman sa PNP, nakahandang itong humarap sa anomang posibleng pagdinig o imbestigasyon na isasagawa para mabigyang linaw ang naturang isyu.
Sa kabila ng isinasagawang pagdinig sa Senado hinggil sa 2013 Pampanga Drug Raid, nilinaw ng PNP na wala pa itong nasasagap na impormasyon na dawit ang matataas na opisyal ng pulisya sa iligal na droga.
Tiniyak nito sa publiko na patuloy nitong paiigtingin ang kampanya kontra iligal na droga at internal cleansing program para iaalis sa serbisyo ang mga tiwalang pulis.
(April Cenedoza | UNTV News)
Tags: iligal na droga, PNP
