METRO MANILA – Kinumpirma ni Department of Labor and Employment Secretary Silvestre Bello III na mayroong karagdagang P5-B budget para sa repatriation program ng mga OFWs ang gobyerno. Ito ay matapos aprubahan ni Pangulong Duterte ang pondo para sa mga kababayang naapektuhan ng pandemya.
Dadaan sa Overseas Workers Welfare Administration (OWWA) ang paglabas ng pondo na siyang sangay na nagsasagawa ng pagpapauwi sa mga na-stranded na OFWs dulot ng lockdown at pagsasara ng mga establisyimento sa ibang bansa.
Babalikatin din ng OWWA ang gastos para sa COVID testing, pagkain at hotel accommodations pagdating ng Pilipinas ng mga napauwing OFWs. Kapag negatibo ang result ng COVID test ay gagamitin din ang pondo upang makauwi sa kani-kanilang mga probinsiya ang mga kababayang naapektuhan.
Mas pinahaba ang quarantine period ng mga bumabalik na mga Pilipino sa bansa ayon kay Presidential Spokesperson Harry Roque sa Press Briefing na ginanap kahapon (May 27).
(Beth Pilares | La Verdad Correspondent)
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Nagpaalala ang Department of Labor and Employment (DOLE) ukol sa mga private employers na entitled sa double pay ang mga empleyado na magta-trabaho ngayong araw ng Lunes, June 17, Eid’l Adha.
Nakasaad sa labor advisory number 8 ng ahensya ang computation sa payment of wages at panuntunan para sa regular holiday.
Pirmado ang nasabing abiso ni Labor and Employment Undersecretary Carmela Torres.
Kung hindi papasok sa trabaho, 100% pa rin ng arawang sweldo ang ibibigay ng employer sa empleyado.
At kung on duty pa rin sa regular holiday, 200% ng daily wage ang ibabayad sa empleyado.
Sa bisa ng Proclamation Number 579, idineklara ni Pangulong Ferdinand Marcos Jr. ang June 17 bilang regular holiday bilang paggunita sa Eid’l Adha o Feast of Sacrifice ng mga muslim.
Tags: DOLE, Holiday DOuble Pay
METRO MANILA – Pag-aaralan pa ng Department of Labor and Employment (DOLE) kung dapat irekomenda sa mga kumpanya ang pagpapatupad ng 4 day work week sa gitna ng matinding init ng panahon.
Sa isang panayam, sinabi ni Undersecretary Benjo Benavidez na kung makikita nilang kailangan ito para sa kaligtasan o mapagbubuti pa ang productivity ng mga manggagawa ay hindi sila mag aatubili na i-suggest ito sa mga employer.
Gayunman, sinabi ng DOLE na sa huli ay nasa mga may ari pa rin ng kumpanya ang pagpapasya kung magpapatupd ng bagong schedule ng mga empleyado.
Tags: DOLE
