METRO MANILA – Plano ng pamahalaan na magbigay ng mahigit P200-B ayuda para sa vulnerable sector, sa gitna ng nagtataasang presyo ng mga bilihin.
Ayon sa Office of the Press Secretary, ilalagay ang ayuda sa ilalim ng proposed 2023 national budget.
Kabilang sa alokasyon ay cash transfers at subsidy programs na ipatutupad ng iba’t ibang ahensya ng gobyerno.
Malaking alokasyon ang mapupunta sa Department of Social Welfare and Development (DSWD) para sa kanilang social assistance programs;
Mabibigyan din ang Department of Health (DOH) para sa kanilang medical assistance;
Gayundin ang Department of Labor and Employment (DOLE) para matulungan ang mga displaced workers; ang Department of Transportation (DOTr) para sa fuel subsidy ng mga tsuper.
At ang Department of Agriculture, pa maayudahan ang mga magsasaka at mangingisda; Kabilang pa sa paglalaanan ng pondo para sa ayuda sa 2023 ay ang Pantawid Pamilyang Pilipino Program (4P’s); social pension ng indigent senior citizens at iba pa.
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Pinagiingat ngayon ng Department of Social Welfare and Development (DSWD) ang mga miyembro ng Pantawid Pamilya Pilipino Program (4Ps) hinggil sa kumakalat na pekeng post ukol sa payout schedule.
Ayon kay DSWD Assistant Secretary Irene Dumlao, may mga natatanggpa silang report hinggil sa kumakalat na post sa social media ukol sa umano’y mga petsa ng pamimigay ng ayuda at pangalan ng 4Ps na makatatanggap ng ayuda.
Paglilinaw ng DSWD, walang katotohanan ang kumakalat na post, at binigyaan diin na hindi nila isinasapubliko ang pangalan ng mga benepisyaryo alinsunod sa data privacy act.
METRO MANILA – Nanawagan ang Department of Social Welfare and Development (DSWD) sa publiko na wakasan na ang child labor.
Ayon kay Maribel Barcenas isang shield against child labor national focal ng DSWD, paigtingin ng kagawaran ang kampanya laban sa child labor sa pamamagitan ng pagpapatuad ng komprehensibong programa para sa mga kabataang Pilipino.
Hinihikayat din ang bawat Pilipino na bigyan ang bawat bata ng karapatan na mabuhay nang malaya at ligtas mula sa anomang uri ng child labor.
Tags: Child Labor, DSWD
