Nadiskubre ng Bureau of Customs ang isang 40-foot container van sa Mindanao Container Terminal o MCT sa Tagoloan, Misamis Oriental na may lamang walong daang kahon ng mga sigarilyo.
Tinatayang nagkakahalaga ang mga ito ng labinglimang milyong piso.
Ayon kay Atty. Teddy S. Raval, deputy commissioner ng BOC Intelligence Group, misdeclared ang mga produkto dahil disposable diaper ang nakalagay sa dokumento nito.
Ang box lamang na nasa bungad ng container van ang naglalaman ng totoong diaper.
December 2016 pa umano ng dumating ang shipment mula sa singapore subalit hanggang sa ngayon ay hindi pa rin kini-claim ng consignee nito na nakapangalan sa black petal commercial na naka-address sa Purok 10, Baloy Hiway, Tablon, Cagayan de Oro City.
Dagdag pa ni Raval na may mga kasabay pa ito na dumaong sa ibang mga lugar.
Posibleng namang sampahan ng kasong paglabag sa customs modernization and tarriff act at rules and regulation of tobacco administration ang nasa likod ng naturang shipment.
(Weng Fernandez / UNTV Correspondent)
Tags: BOC, mga smuggled na sigarilyo, Misamis, Oriental, P15-M
METRO MANILA – Nagpaalala ang Bureau of Customs (BOC) sa mga Pilipino sa ibang bansa na piliing mabuti ang freight forwarding firms sa pagpapadala ng balikbayan box sa kanilang pamilya sa bansa.
Sa social media post, sinabi ng BOC na dapat piliin ng mga customer ang mga reputable forwarding company na accredited ng Department of Trade and Industry (DTI) para matiyak ang kaligtasan ng kanilang mga balikbayan box.
Ito ay matapos ang mga report na natanggap ng ahensya tungkol sa mga kaso ng abandonadong balikbayan boxes.
Sa kabuoan, nasa 15 na ang foreign at local forwarders o consolidators ang may mga kaso ng abandoned balikbayan boxes.
Ito ay ang kabayan Island Express Cargo, GM Multi Services Cargo, Allwin Cargo LLC, Sel Air Cargo, Manila Cargo, Sky Freight, Mediacom Express Cargo, CMS General Services, Pinoy Network Cargo WLL FZC LLC.
Habang ang mga local forwarders o deconsolidators na may kaso ng inabandonang padala ay ang FBV Forwarders and Logistics Inc.,, Etmar International Logistics, Cargoflex Haulers Corp., KC door to door delivery services, Rensworld Freight Logistics Corp., FGTI Forwarding Services, CMG International Movers.
Hinimok din ng BOC ang publiko na makipagugnayan sa ahensya kung may alalahanin o may karagdagang impormasyon sa kanila, sa pamamagitan ng Bureau of Customs – Customer Assistance and Response Service o BOC-Cares sa pamamagitan ng hotline number (02) 8705-6000 o sa pamamagitan ng email sa boc.cares@customs .gov.ph.
Tags: balikbayan boxes, BOC
METRO MANILA – Nagbabala ang Bureau of Customs (BOC) ang publiko laban sa parcel o love scam ngayong holiday season.
Pinapayuhan ng ahensya ang publiko na maging maingat sa mga tawag, mensahe o email na nagsasabing mayroong package o parcel na nakabinbin sa BOC na nanghihingi ng bayad para ito ay mailabas.
Dagdag ng ahensya, ang pagbabayad ng customs duties at taxes ay maaari lamang gawin sa BOC cashier o sa pamamagitan ng authorized agent banks.
Kung sakaling naging biktima ng scam, i-check sa website kung ang nasabing courier o forwarder ay accredited.
Maaari ding makipagugnayan sa BOC upang ma-verify kung ang resibo, tracking number at ibang dokumento na natanggap ay tunay o fake.
Tags: BOC
METRO MANILA – Hindi na ibebenta sa Kadiwa Stores ang Milyon-milyong Pisong halaga ng mga smuggled na puting sibuyas na nakumpiska ng Department of Agriculture (DA) at Bureau of Customs (BOC) sa ilang warehouse sa Maynila kamakailan.
Ayon kay DA Deputy Spokesperson Rex Estoperez, labag sa panuntunan ang BOC ang pagbebenta ng mga smuggled na agricultural products.
Bukod dito, nabubulok na rin umano ang mga sibuyas na kanilang nakumpiska.
Dahil dito, target muna ng DA na mailabas ang natitira pang suplay ng sibuyas sa mga cold storage facilities habang paunti-unti na ring nag-aani ang mga magsasaka ngayong Disyembre.
Tags: BOC, DA, Puting Sibuyas, Smuggled
