METRO MANILA – Hindi na isinasantabi ng Department of Energy (DOE) ang posibilidad na pumalo sa P100/litro ang presyo ng produktong petrolyo sa bansa.
Subalit ito ay kung magtutuloy-tuloy ang pagtaas ng presyo nito araw-araw.
Ngayong araw (June 21), may taas presyong muli sa mga produktong petrolyo.
Sa magkakahiwalay na abiso ng mga kumpanya ng langis, magtataas ng P0.80 kada litro ng gasolina, P3.10 sa diesel at P1.70 sa kerosene.
Ito na ang pangatlong linggo ng major oil price hike.
Ayon kay Department of Energy Undersecretary Gerardo Erguiza, bunsod ito ng pagtaas sa halaga ng dolyar.
Nakaapekto rin sa presyo ang limitasyon ng refinery process.
Giit nito, hindi nakasasabay ang production ng diesel sa mataas na demand nito.
(Rosalie Coz | UNTV News)
Tags: oil price hike
METRO MANILA – Magkakaroon muli ng malakihang pagtaas sa presyo ng mga produktong
petrolyo ang mga kumpanya ng langis bukas araw ng Martes, June 25.
Batay sa inisyal na pagtaya ng mga oil company, maaaring tumaas ng P1.60 hanggang P1.80 ang presyo ng kada litro ng Diesel.
Magkakaroon din price hike na aabot sa P1.30 hanggang P1.50 ang kada litro ng gasolina.
Samantalang sa Kerosene naman, inaasahan ang malakihang taas presyo na aabot sa P1 hanggang P1.20 kada litro.
Mamaya, iaanunsyo ng mga kumpanya ng langis ang final price adjustment na ipatutupad nila bukas.
Ayon sa industry players, bunsod pa rin ito ng pabago-bagong galaw sa presyo ng langis sa international market.
Nakakaapekto rin sa bigtime oil price hike ang nangyayaring digmaan sa iba’t ibang bansa partikular sa bandang Middle East.
Tags: oil price hike
METRO MANILA – Epektibo na ang malakihang pagtaas sa presyo ng mga produktong petrolyo simula ngayong araw ng Martes June 18.
Batay sa magkakahiwalay na abiso ng mga kumpanya ng langis, tataas ng P1.70 ang presyo ng kada litro ng Diesel.
Aabot naman sa P0.85 ang dagdag sa kada litro ng gasolina.
Samantala, madaragdagan naman ng P1.90 ang kada litro ng Kerosene.
Nauna ng sinabi ng Department of Energy (DOE) na ang bigtime oil price hike ay bunsod ng naitalang pagtaas sa inaasahang demand ng langis ng iba’t ibang mga ahensya sa mundo.
Nakaapekto naman din ang pabago-bagong galaw sa presyo ng langis sa international market.
Tags: DOE, oil price hike
METRO MANILA – Magkakaroon ng paggalaw sa presyo ng mga produktong petrolyo ang mga kumpanya ng langis bukas, araw ng Martes (June 4).
Batay sa inisyal na pagtaya ng mga oil company, maaaring tumaas ng P0.40 hanggang P0.60 ang presyo ng kada litro ng Diesel.
Magkakaroon naman ng malaking rollback na P0.90 hanggang P1.10 sa presyo ng kada litro ng gasolina.
Posible rin ang price hike na P0.60 hanggang P0.80 sa presyo ng kada litro ng kerosene.
Mamaya, iaanunsyo ng mga kumpanya ng langis ang final price adjustment na ipatutupad nila bukas.
Ayon sa industry players, bunsod pa rin ito ng pabago-bagong galaw sa presyo ng langis sa international market.
Sinabi naman ng Department of Energy (DOE) na nakaapekto sa naturang paggalaw sa presyo ang inaasahang production cut ng Organization of Petroleum Exporting Countries (OPEC).
Tags: DOE, oil price hike, OPEC
