Nakauwi na ng bansa kahapon ang isang daan at limampung OFW mula sa Saudi Arabia.
Bawat isa sa kanila ay binigyan ng Overseas Workers Welfare Administration o OWWA ng limang libong pisong pabaon sa kanilang pag-uwi.
Sagot din ng ahensya ang transportasyon ng mga ito pauwi sa kanilang mga probinsya.
Ang mga OFW naman na may kasamang anak ay binigyan naman ng DSWD ng karagdagang limang libong piso tulad na lang ni Aling Fahima na mayroong dalawang buwan gulang na sanggol.
Bukod dito, nangako rin ng karagdagan pang tulong ang pamahalaan para sa mga repatriated OFWs.
Para ma-avail ang mga ito, kailangan lamang magpunta ng mga OFW sa regional office ng OWWA, DOLE o DSWD.
Sa ngayon ay may dalawang libong OFW na ang nabigyan ng visa pauwi ng Pilipinas.
Nasa limang libong OFW pa ang inaasahang magaapply para makakuha ng amnestiya hanggang sa June 29 upang makauwi na ng Pilipinas.
(Macky Libradilla)
Tags: 150 repatriated, OFWs, OWWA, Saudi Arabia
METRO MANILA – Nilagdaan na nitong Sabado March 2 ng Department of Migrant Workers (DMW), Landbank of the Philippines at Overseas Filipino bank ang isang kasunduan para mapabilis ang release ng Saudi claims ng Overseas Filipino Workers (OFW’s).
Sa pamamagitan ng naturang hakbang, mapabibilis ang proseso ng mga cheke mula sa gobyerno ng Saudi Arabia para sa hindi nabayarang sahod, benepisyo, at iba pang hinaing ng mga displaced OFW na nawalan ng trabaho matapos ma-bankrupt ang kanilang mga kumpanya sa nasabing bansa noong 2015 at 2016.
Nabuo ang nasabing kasunduan kasunod ng nangyaring sideline meeting ni Pangulong Ferdinand Marcos Jr. Kay Saudi Crown Prince Mohammed Bin Salman sa isinagawang ASEAN leaders summit sa Bangkok, Thailand noong nakaraang taon.
METRO MANILA – Hinihimok ng Commission on Elections (COMELEC) ang mga Pilipino sa ibang bansa na magparehistro para sa 2025 midterm election.
Sa social media post ng Comelec, ipinaalala ng commission na mula January 1, 2024 mayroon na lamang 273 days o hanggang sa September 30, 2024 para makapagparehistro ang mga overseas voters.
Kinakailangan lamang na dalhin ng mga magpaparehistro ang kanilang valid Philippine passport sa pinaka malapit na Philippine Embassy o Consulate General o sa idedesignate na registration centers sa Pilipinas.
Dagdag pa ng komisyon, sa naturang registration period, tatanggap din sila ng iba pang poll-related application tulad ng pag-a-update ng address at iba pang detalye at checking o reactivation ng voters registration status.
METRO MANILA – Nais ng Commission on Elections (COMELEC) na maipatupad na ang internet overseas voting sa susunod na national and local elections sa taong 2025.
Ayon kay Comelec Chairman George Erwin Garcia, kinakailangan na nilang magkaroon ng ganitong klase ng technological advancement para mabilis na makalap ang mga boto ng OFWs.
Maglilikha rin aniya ito ng mas mataas na voter turnout dahil mas magiging madali na ang pagboto ng ating mga kababayan abroad.
Sa ngayon ay patuloy parin ang demonstration ng mga IT companies sa Comelec upang makita ang magiging takbo ng sistema ng bawat naturang kumpanya sa naturang online voting.
Tags: COMELEC, Election, OFWs, ONline Voting
