Naghain ng manipestasyon kahapon sa Korte Suprema sina Senators Antonio Trillanes IV at Leila De Lima sa pamamagitan ni dating Solicitor General Florin Hilbay.
Nakasaad sa 4 page-manifestation ang muling pagkwestiyon ng dalawang mambabatas sa hurisdiksyon ng Korte Suprema sa paghawak sa isang kaso na layong tanggalin sa pwesto ang isang impeachable official.
Naninindigan ang opposition senators na sa pamamagitan lamang ng impeachment trial ng Senado maaaring tanggalin ang punong mahistrado.
Wala rin anilang kinalaman ang kanilang pagkontra sa naging merito ng kaso laban sa chief justice.
Dagdag pa ni Attorney Hilbay, naging kwestiyon rin ngayon ang pagtrato sa naganap na oral arguments kaugnay ng quo warranto petition.
Ito aniya ang isa sa mga dahilan kaya hinihiling nila na tuluyan nang ipawalang-bisa ang reklamo.
Hihilingin naman ni Trillanes ang suporta ng mga kapwa senador kaugnay sa posisyon na ito ng oposisyon.
( Nel Maribojoc / UNTV Correspondent )
METRO MANILA – Nanindigan ang Malacañang na walang kinalaman si Pangulong Rodrigo Duterte sa isinumiteng Quo Warranto petition ni Solicitor General Jose Calida laban sa ABS-CBN.
Ayon sa tagapagsalita ng Pangulo, hinahayaan ng Punong Ehekutibo ang mga opisyal nitong gawin kung ano ang kanilang mandato.
Itinanggi rin ng opisyal na ang mga statement ng Pangulo sa mga nakalipas na pagkakataon laban sa giant network ay may kinalaman sa kahilingan ng Solgen sa supreme court na ipawalang-bisa ang legislative franchise ng ABS-CBN.
Hindi rin naniniwala ang palace official na pananaklaw sa trabaho ng Kongreso na pag-aapruba sa pagbibigay ng prangkisa ang ginawa ng Solgen.
“With respect to the as you said the President’s feelings about ABS-CBN. There’s a basis for his expression of displeasure. What? He was a victim of fraud and when he expresses that, that expression fell within the freedom of expression which we cannot deprive a President of, given that all citizens are entitled to do, but it doesn’t mean nor has anything to do with the petition filed by Solgen, because that is the job of the Solgen. And if he does not do that, then he would be charged with the dereliction of duty ” ani Presidential Spokesperson & Chief Presidential Legal Counsel Sec. Salvador Panelo.
(Rosalie Coz | UNTV News)
Hihintayin ng Korte Suprema ang anumang petisyon mula sa sinomang partido na nagnanais kwestyunin ang legalidad ng pagpapatupad ng Republic Act Number 10952 o Good Conduct Time Allowance law.
Ayon kay SC Chief Justice Lucas Bersamin sa kaniyang pagharap sa media ngayong umaga, sinabi niya na maaaring tanggapin ito ng SC lalo na kung kumpleto sa requirements ang petisyon.
June 2019 nang magdesisyon ang Korte Suprema na dapat makinabang rin ang mga preso dito bago maisabatas ang GCTA.
Samantala, inulat na CJ Bersamin ang kaniyang mga prayoridad sa natitirang buwan ng kaniyang paglilingkod. Isa na rito ang pagtatayo ng mga imprastraktura para sa karagdagang korte. Kulang aniya talaga ngayon ang mga Court Houses.
Ayon kay Bersamin, isa sa nakikita niyang solusyon dito ay ang kooperasyon ng mga local government units. Inihalimbawa niya ang binigay na building ng Marikina City para maging court houses. Gayundin din ang Valenzuela City at ang Quezon City na nagtayo mismo ng sarili nitong building para sa judiciary.
Si CJ Bersamin ay nakatakdang magretiro sa October 18.
MANILA, Philippines – Pinagmumulta ng Korte Suprema ang Maynilad, Manila Water at Metropolitan Waterworks And Sewerage System (MWSS) dahil sa hindi pagtupad sa Clean Water Act.
900-Million Pesos ang ipinataw na multa sa Maynilad at MWSS at 900-million din sa Manila Water at MWSS.
Bukod dito, pinagmumulta din sila ng 322-Thousand Pesos sa bawat araw na hindi nila nasusunod ang nakasaad sa Clean Water Act.
Ayon sa mga Court Insider, may kinalaman ito sa kabiguan ng Maynilad at Manila Water na maglagay ng sewage lines at sewage treatment facilities.
Tags: Korte Suprema, Manila Water, Maynilad, MWSS
