METRO MANILA – Malaking bahagi ng ginagamit na tubig sa Metro Manila ay mula sa Angat dam.
Ngunit kahit tag-ulan na ay mahigit 2 buwan nang mababa sa minimum operating level nito.
Paliwanag ng National Water Resources Board (NWRB), hindi umaabot sa Angat water shed ang ibinibuhos na tubig ng mga pag-ulan.
Sa kabila nito, sinabi ni NWRB Executive Director Sevillo David Jr. na wala pa namang mga ipinatutupad na water service interruptions.
Samantala sa gitna ng mababang lebel ng Angat dam, nanawagan ang NWRB sa publiko na maghanda at maging responsible sa paggamit ng tubig.
Payo ng water board, magtipd sa tubig kapag naliligo. Sa halip na magshower, gumamit na lamang ng timba at tabo.
Maaari ring sahurin ang nagamit na tubig upang maipandilig o maipanlinis. Siguraduhin ding walang tagas ang mga gripo at tubo ng tubig upang makaiwas sa nasasayang na supply nito.
Samantala, nakatakda na ring ilabas ng Metropolitan Waterworks and Sewerage System (MWSS) regulatory office ang resulta ng imbestigasyon nito kaugnay sa mga unscheduled water interruptions ng Maynilad sa mga customer nito.
Kabilang na dito ang mahigit kalahating buwan na scheduled interruption mula August 14 – September 1, 2022.
Sa isang text message, sinabi ni MWSS Regulatory Office Chief Regulator Patrick Lester Ty na iaanunsyo nila sa susunod na linggo ang mga interruption sa mga area na sineserbisyuhan ng Maynilad.
METRO MANILA – Bumaba sa 193.06 meters ang lebel ng tubig sa Angat dam kahapon (April 18) mula sa 195.10 meters noong April 11.
Batay sa monitoring na isinagawa ng Metropolitan Waterworks and Sewerage System (MWSS), kada araw naman ay nasa 30-40 centimeter ang nababawas sa dam.
Pinangangambahan na umabot ang lebel ng tubig nito sa 180 meters na minimum operating level ng Angat dam.
METRO MANILA – Inihayag ng Metropolitan Waterworks and Sewerage System (MWSS) ang plano nitong magpatupad ng water pressure reduction sa susunod na buwan sa Metro Manila.
Sa pamamagitan nito, inaasahang mama-manage ng maayos ang suplay ng tubig sa NCR, ngayong nalalapit na ang panahon ng tag-init sa bansa.
Paglilinaw ng MWSS, hindi naman mawawalan ng tubig ang mga customer kundi babawasan lamang ang pressure tuwing off peak hours.
Kung dati ay umaabot ng ikalawang palapag ng bahay ang tubig sa gripo, maaring hanggang first floor na lamang ang kayang maabot ng tubig kapag binawasan ang pressure nito.
METRO MANILA – Aprubado na ng Metropolitan Water Works and Sewerage System (MWSS) regulatory office ang pagtaas sa singil ng Maynilad at Manila Water sa susunod na taon.
Ito ay dahil sa tariff adjustment bunsod naman ng inflation.
Para sa Maynilad customers, nasa P7.87 ang average increase sa kada cubic meter na konsumo.
Katumbas ito ng P4.74 na ang dagdag sa bill kada buwan para sa low-income lifeline consumers o nasa 10 cubic meters and below ang nakokonsumo .
P100.67 sa mga kumukunsumo ng 20 cubic meters at 205.87 sa mga kumukunsumo ng 30 cubic meters.
Para naman sa Manila Water customers, average na dagdag na P6.41 sa kada cubic meter.
Ang epekto nito sa mga residential area na nasa low-income lifeline consumers ay dagdag na P2.96 sa buwanang bill .
Additional na P76.68 na dagdag para sa 20 cubic meters at 154.55 sa mga kumukunsumo ng 30 cubic meters. Mag-uumpisa ang dagdag singil sa 2024.
Payo ng MWSS, sa mga maliliit lang ang sweldo at hindi hihigit sa 10 cubic meters ang konsumo ay maaari namang mag apply bilang mga lifeline customer.
Sa ganitong paaraan ay mas mababa ang magiging rate na kanilang babayaran.
Tags: Manila Water, Maynilad, MWSS
