Naka-blue alert ngayon ang buong National Disaster Risk Reduction and Management Council (NDRRMC) dahil sa Bagyong Henry.
Nakataas rin ang blue alert warning sa mga lugar na apektado ng bagyo, kasama ang NCR, Regions 1, 2, 3, 4A, 4B, 5, 6 at CAR Region. Pero bagaman palabas na ngayong araw ang bagyo, hindi dapat maging kumpyansa ang mga lugar na apektado nito.
Ayon sa NDRRMC, palalakasin pa ng bagyo ang hanging habagat na posibleng magdulot ng pagbaha at landslide. Nagpaalala ang NDRRMC sa lahat ng lokal na pamahalaan na bantayan ang mga lugar na nasasakop ng hazard map.
Inalerto ng NDRRMC ang iba pang lugar na maghanda dahil inaasahang makakaranas ang buong Luzon ng malalakas na pag-ulan hanggang Huwebes. Sa ngayon ay wala pang kailangan ilikas na mga tao at wala ring naitatalang casualty o namatay dahil sa Bagyong Henry.
Madadaanan pa rin lahat ng mga national roads sa buong Luzon, subalit nagpaalala ang NDRRMC lalo na sa mga may planong maglakbay ngayong linggo na kung hindi naman kinakailangan na agaran ay makabubuting ipagpaliban na lamang ang lakad at kung hindi naman ay magkaroon sana ng ibayong pag-iingat upang ligtas na makarating sa patutunguhan.
Ang Bagyong Henry ang ikalawang bagyo na pumasok sa bansa ngayon lamang buwan ng Hulyo.
( Mon Jocson / UNTV Correspondent )
Tags: Bagyong Henry, baha at landslide, NDRRMC
METRO MANILA – Inilagay na sa red alert ng National Disaster Risk Reduction and Management Council (NDRRMC) ang 5 rehiyon sa Luzon bunsod ng banta ng bagyong Goring.
Ito ay ang Cordilleras, Ilocos, Cagayan Valley, Central Luzon at Mimaropa.
Ayon kay NDRRMC Spokesperson Edgar Posadas maging ang buong ahensya ay naka red alert upang matiyak na agad silang makakaresponde sa mga lugar na mangangailangan ng tulong.
Samantala, tiniyak ni Pangulong Ferdinand Marcos Jr. na nakatutok ang pamahalaan sa sitwasyon sa mga lugar sa Northern Luzon na nakararans ng malakas na ulan.
Nakahanda na rin aniya ang mga food pack na ipamamahagi sa mga apektadong residente.
Tags: NDRRMC
METRO MANILA – Lalo pang tumaas ang pinsala sa agrikultura at imprastraktura ng bagyong Egay.
Batay sa datos ng National Disaster Risk Reduction and Management Council (NDRRMC), umabot na sa P1.9-B ang halaga ng pinsala ng bagyo sa mga pananim.
Umaabot naman sa 114, 565 ang mga magsasaka at mangingisda ang naapektuhan ng bagyo.
Samantala, P3.5-B naman ang inisyal na pinsala ng bagyo sa imprastraktura.
Karamihan ng mga sinira ng bagyo ay mga daan, tulay, flood control, government facilities, mga paaralan, utility services facilities at iba pa.
Sa ngayon ay tuloy ang pagbibigay ayuda ng pamahalaan sa ating mga kababayan na naapektuhan ng bagyo.
Tags: Bagyong Egay, NDRRMC
METRO MANILA – Umabot na sa 16 ang mga nasawi dahil sa bagyong Egay at southwest monsoon o habagat.
Batay ito sa latest report ng National Disaster Risk Reduction and Management Council (NDRRMC) as of July 30.
1 sa mga nasawi ang kumpirmado, habang bineberipika pa ang 15.
52 naman ang mga napaulat na nasaktan at 20 ang nawawala.
Samantala, umabot na sa mahigit P1.5-B ang pinsala nito sa agrikultura.
Habang halos P10-M sa imprastraktura.
Nasa P64-M naman ang naibigay nang tulong sa mga naa-pektuhan ng bagyo.
