Itataas ng National Disaster Risk Reduction and Management Council o NDRRMC ang alerto ng operations center nito sa blue alert status simula Miyerkules.
Bunsod ito ng inaasahang pagdagsa ng mga tao sa terminal ng bus, paliparan at pantalan upang umuwi sa probinsya ngayong long weekend.
Sa ilalim ng blue alert status, kinakailangang naka-antabay ang mga personnel ng PAGASA, Department of Social Welfare and Development, Department of Health, gayundin ang Armed Forces of the Philippines, Philippine Coast Guard at Philippine National Police sa pagresponde.
Nagpaalaala naman ang NDRRMC sa publiko na mag-ingat laban sa heat stroke ganu’n din sa sunog dahil sa mataas na temperatura ngayong dry season.
Samantala, sa March 23 at March 28, lifted ang number coding para sa mga provincial bus.
Mayroon ding road reblocking ang Department of Public Works and Highway sa EDSA southbound Connecticut to Boni at EDSA northbound Madison to Ortigas mula March 24, alas-dos ng madaling araw hanggang March 27, alas-dos ng hapon.
Suspendido rin ang operasyon ng Pasig River ferry sa March 24 hanggang March 25.
Samantala, maaari namang humingi ng tulong at assistance sa NDRRMC kung may emergency sa pamamagitan ng hotline number nito na 911-5061 hanggang 64.
Tags: long holiday, Miyerkules, NDRRMC
METRO MANILA – Itinaas na sa heigtened alert status ng Philippine National Police (PNP) ang kanilang pag-alerto para sa seguridad ngayong mahabang bakasyon.
Nasa 180,000 security forces at force multiplier and ide-deploy sa mga terminal at matataong lugar
Sa naturang bilang 52,000 dito ang mga tauhan ng PNP kasama ang tourist police at K9 unit.
Sa kasalukuyan ay wala pa namang namo-monitor na anomang banta sa seguridad ang PNP.
Tags: long holiday, PNP
METRO MANILA – Nakahanda na ang Philippine National Police (PNP) sa ipatutupad na seguridad sa darating na summer vacation at long holiday.
Ayon kay Philippine National Police – Public Information Office Chief PCol. Jean Fajardo, 34,000 pulis ang ide-depoly ng PNP nationwide para magbantay sa mga transportaion hubs o terminals, major thoroughfare, tourist destinations o pasyalan at mga malalaking simbahan.
Kasama din aniya dyan ang pagde-deploy ng 7,000 trained tourist police, K9 units at mga plain clothes policemen.
Noong nakaraang bakasyon, tumaas ang kaso ng theft and robbery base sa datos ng PNP.
Mula Abril hanggang Mayo ng 2023 , tumaas ang theft ng 3.29% mula sa 2,217 lamang na kaso noong 2022 … umakyat ito sa 2,290 nitong 2023.
Habang tumaas din ang robbery ng 2.33%… mula 774 na kaso noong April hanggang May ng 2022 … umakyat ito sa 792 noong 2023 ng kaparehong buwan.
Kaugnay nito, pinag -iingat ng PNP ang publiko na magtutungo sa mga tourist destination ngayong bakasyon.
Anila, iwasan ang pagsusuot ng mga mamahaling alahas at pagdi-display ng mga mamahaling gadgets habang nasa pampublikong lugar.
Ibilin ang iiwang tahanan sa mapagkakatiwalaang kapitbahay upang makaiwas sa kawatan.
Iligpit o itago sa ligtas na lugar ang mga maiiwang mahahalagang gamit.
Tiyakin din na naisarang mabuti ang mga gripo dahil maaari rin itong pagmulan ng insidente.
Iwasan din ang pagpo-post sa social media ng “At the Moment” (ATM) upang hindi malaman ng mga nag-aabang na masasamang loob na walang tao sa inyong tahanan.
Tags: long holiday, PNP
METRO MANILA – Pinayuhan ng Civil Aviation Authority of the Philippines (CAAP) ang mga pasahero ngayong long holiday na agahan ang pagpunta sa mga airport.
Itoý upang maiwasan ang anomang aberya o maiwan ng kanilang flight.
Sa ngayon ay pinaghahandaan ng mga airport sa bansa ang pagdagsa ng mga pasaherong bibiyahe sa long holiday.
Payo ng CAAP sa mga pasahero pumunta ng 2 hanggang 3 oras na mas maaga sa airport upang makaiwas sa anomang aberya.
Pinapayuhan rin ang mga biyahero na iwasang magdala ng mga ipinagbabawal na bagay sa eroplano upang hindi na matagalan sa pagcheck-in ng mga bagahe.
Tiniyak naman ng CAAP na nakausap na nila ang mga airline company, para sa pagdaragdag ng manpower sa mga check-in counters upang maiwasan ang mahabang pila ng mga pasahero.
Sa ngayon ay pinagbabawalan muna ang mga airport employee na mag-file ng leave, upang masiguro na may sapat na personnel na aasiste sa mga pasaherong bibiyahe sa long holiday.
Tags: CAAP, long holiday
