Wala ng malay at nakahandusay sa kalsada ng datnan ng UNTV News and Rescue Team ang motorcycle rider na si Armando Flores sa Brgy.Alijis, Bacolod City kaninang alas dos bente ng madaling araw.
Sa initial assessment ng UNTV News and Rescue Team, si Flores na naaksidente sa motorsiklo ay wala ng pulso at namamaga ang kaliwang bahagi ng ulo.
Kaya naman mabilis na isinakay ng grupo sa rescue vehicle si flores.
Habang nasa byahe binigyan ng UNTV Rescue ang biktima ng Cardiopulmonary Resuscitation o CPR.
Bago dumating sa ospital ay bumalik ang pulso ni Flores.
Kasalukuyang nasa Corazon Locsin Montelibano Memorial Regional Hospital ang biktima.
(Lalaine Moreno)
Hindi pinalampas ni Pangulong Rodrigo Duterte ang pagkakataong magbitiw ng matinding babala laban sa mga ninja cop o mga pulis na sangkot sa operasyon ng iligal na droga kabilang na ang pagre-recycle ng mga nakukumpiska nilang ipinagbabawal na gamot.
Ginawa ng Pangulo ang pahayag sa gitna ng mga negosyante sa 45th Business Conference and Expo sa Maynila kagabi.
“You know, kayong mga ninja, kayong mga holdaper, kayong mga drug pusher, akala ninyo kayo lang ang matigas because you think that you have a monopoly of evil in this country. Well, i think you are — that’s a very stupid paradigm because I can be evil like you and more than if I want to be,” pahayag ni Pangulong Rodrigo Duterte.
Bukod dito, inihayag din ng Pangulo kung bakit inilipat niya sa Bacolod City ang police officer na si Lieutenant Colonel Jovie Espinido.
“Hindi nila binilang ang Davao, Bacolod is badly hit now and I placed Espenido there. ‘Yung tinatakutan nila na pulis. Sabi ko, “go there and you are free to kill everybody.” T*** i**** ‘yan. “Go, start killing them.” Ako nang — dalawa na tayong pa-preso,” ani Pangulong Rodrigo Duterte.
Matatandaang inalis sa pwesto ng Pangulo ang dating Bacolod City of Police Chief Senior Supt. Francis Ebreo at iba pang police officers noong Enero dahil umano sa pagkakasangkot sa operasyon ng iligal na droga.
Samantalang kontrobersyal naman si Espinido dahil siya ang hepe ng pulisya sa Albuera Leyte at Ozamiz City kung saan ang mga Alkalde nitong sina Rolando Espinosa, Sr. at Reynaldo Parojinog ay kapwa napaslang sa mga police anti-drug operations noong 2016 at 2017.
(Rosalie Coz | UNTV News)
Tags: Bacolod, Drug offender, Espenido
BUTUAN, Philippines – Nakahandusay sa kalsada ang isang lalaking motorcycle rider nang datnan ng UNTV News and Rescue team sa South Montilla Boulevard, Butuan City, noong Biyernes ng gabi.
Kinilala ang rider na si Jason Fermano na taga Amayahan, Agusan del Norte.
Nagtamo ito ng sugat sa iba’t-ibang bahagi ng katawan at pananakit balikat bunsod ng pagkakabangga sa center island ng kanyang minamanehong motorsiklo.
Kwento ng mga nakasaksi sa aksidente, mabilis umano ang pagpapatakbo ni Fermano habang binabaybay ang national highway na tila nakikipaghabulan sa ibang motorista.
Nagulat nalang ang mga tao sa lugar nang salpukin nito ang center island.
Matapos lapatan ng first aid ng UNTV Rescue si Fermano ay dinala na ito sa Butuan Medical Center upang masuri ng mga doktor habang kinuha naman ng mga pulis ang motorsiklo nito para sa safe keeping.
Para sa mga mangangailangan ng tulong ng UNTV News and Rescue makipag ugnayan lamang sa numerong 911-UNTV o 911-8688.
(Raymond Octobre | UNTV News)
Tags: aksidente, motorcycle accident, rescue, UNTV News and Rescue Team
MANILA, Philippines – Aprubado na sa ikatlo at huling pagbasa ng mababang kapulungan ng Kongreso ang panukalang gamitin ang mga motorsiklo bilang pampublikong sasakyan, kahapon, ika-4 ng Pebrero.
Sa ilalim ng House Bill 8959, pinapayagan na ang mga motorcycle taxi na magserbisyo sa mga pasahero at kasama na rin sila sa ireregulate ng pamahalaan.
Nangangahulugan ito na posible na rin silang mabigyan ng prangkisa, at ang Land Transportation Franchising and Regulatory Board (LTFRB) na rin ang magtatakda sa sisingilin nilang pamasahe sa mga pasahero.
Kasama rin sa mga probisyon ng panukalang batas ang pagkakaroon ng insurance ng mga rider at pasahero ng mga motorcycle taxi.
Kaakibat nito, maaari nang patawan ng kaukulang parusa ang mga pasaway na operator at rider nito.
Sa ngayon, hinihintay pa kung maaaprubahan din ang kaparehong bersyon nito sa Senado na kasalukuyan pang nakabinbin sa committee level bago ganap na maisabatas.
Disyembre noong nakaraang taon nang mag-isyu ng Temporary Restraining Order ang Korte Suprema kaya’t napahinto ang operasyon ng Angkas.
Samantala, nagpahayag naman ang Department of Transportation (DOT) na suportado nila ang pagkaka-apruba ng Kamara sa panukalang batas lalo’t naniniwala ang ahensya na ito ang tamang paraan upang maisaayos ang operasyon ng mga motorcycle taxi sa bansa.
(Joan Nano | UNTV News)
Tags: Angkas, Motorcycle rider, motorcycle taxi, single motorcycle
