METRO MANILA – Maghahain ng petisyon ang Metro Rail Transit line 3 o MRT-3, para taasan ang pasahe sa tren.

Ayon kay MRT-3 Officer-In-Charge Oscar Bongon, ihahain nila ang petisyon sa susunod na 2 Linggo.

Nais nilang dagdagan ng P2.29 ang pamasahe sa boarding fee at P0.21 kada 1 kilometro.

Nauna nang naghain ng ganitong petisyon ang MRT-3 noong Enero, upang mabawi ang ipinuhunan nito sa pagpapatayo ng pasilidad.

Hindi na rin umano sapat ang kinikita nila para tustusan ang maintenance at operasyon ng tren.

Ang pahayag ng MRT-3 ay kasunod ng anunsyo na taas pasahe sa LRT-1 at LRT-2.

Tags: MRT-3