METRO MANILA – Ipinagutos ng Commission on Elections (COMELEC), ang pagsasagawa ng money ban checkpoint 5 araw bago ang halalan.
Ayon kay Comelec Chairman George Erwin Garcia, layon nito na maiwasan ang paglaganap ng vote buying sa Barangay at Sangguniang Kabataan Elections (BSKE) sa darating na Oktubre.
Gayunman, sinabi nito na mayroon namang exemption sa naturang prohibisyon, lalo na kung lehitimo naman ang pagdadala ng malaking halaga ng pera.
Ayon naman kay PNP Public Information Office Chief PBGen. Red Maranan, tatalima sila sa utos ng Comelec.
Dagdag pa ni Chairman Garcia, maging ang pamimili ng boto gamit ang mga electronic money transfer ay imomonitor din ng Comelec.
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
