Binuksan na ngayong araw sa mga motorista ng Department of Public Works and Highways (DPWH) ang modernong Laguna Lake Highway o mas kilala sa C-6 sa Lower Bicutan, Taguig City.
Ang 6.94 kilometer four lane highway ang siyang magdurugtong sa eastern portion ng Metro Manila patungo sa ilang bayan sa probinsya ng Rizal.
Sa pamamagitan nito, ang biyahe mula Taguig papuntang Taytay Rizal ay aabutin na lamang ng tatlumpung minuto.
Ayon sa DPWH, malaking tulong rin ang Laguna Lake Highway bilang alternatibong madaraanan ng mga motorista upang makaiwas sa matinding traffic sa EDSA at C5-Road. Mayroon ring inilaan na bike lane sa naturang highway para naman sa mga nagbibisikleta.
Ang proyekto ay nagkakahalaga ng 1.28 bilyong piso at nakapailalim sa mga proyekto ng Build, Build, Build program ng Duterte administration.
Tags: DPWH, Laguna Lake Highway, Taguig city
