METRO MANILA – Walang balak ang Metropolitan Manila Development Authority (MMDA) na maglaan ng special lane para sa mga atleta at delegadong lalahok sa opening ng SEA Games 2019 na gaganapin sa Philippine Arena sa Bulacan sa Sabado.
Ayon kay MMDA Spokesperson Assistant Secretary Celine Pialago, sapat na ang ginawa nilang simulation noong nakaraang Linggo para sa SEA Games.
“May escorts naman po ito ng mga hpg at kaya nga tayo nagkaroon ng simulation para matiyak natin anong oras ba dapat umalis yung ating mga bisita at atleta sa kanilang mga billeting hotels para makarating po on time sa Philippine Arena,so hindi na natin nakikita importansya ng pagkakaroon pa ng isang lane para lang po sa SEA Games” ani MMDA Spokesperson Assistant Secretary Celine Pialago.
Paiiralin ng MMDA sa Sabado, ang Stop and Go Traffic Scheme,kung saan pansamantalang pahihintuin ang mga sasakyan kapag dadaan ang convoy ng mga kalahok at bisita sa SEA Games. Paglagpas ng convoy, muling ibabalik ng mga enforcer ang normal na daloy ng mga sasakyan. Istriktong ring ipatutupad ng ahensya ang yellow lane policy kung saan mahigpit na pagbabawalan ang mga pribadong sasakyan na dumaan sa yellow lane.
Kaugnay nito inabisuhan ng MMDA ang mga motorista na asahan na ang matinding traffic sa Sabado, hindi lamang sa Edsa kundi maging sa North Luzon Expressway, South Luzon Expressway at iba pang mga pangunahing kalsada gaya ng Roxas Boulevard,Lawton,Taft Avenue at Mindanao Avenue.
Sisikapin umano ng MMDA na maisaayos ang pagdaan ng nga convoy upang hindi gaanong makaapekto sa trapiko.
(Joan Nano | UNTV News)
Tags: 2019 Sea Games hosting, MMDA
METRO MANILA – May dagdag na 1 Linggong pataan ang Metropolitan Manila Development Authority (MMDA) sa mga E-bike at E-trike na dadaan sa national roads.
Ayon sa MMDA, sa susunod na Lunes, May 27 na nila sisimulan ang panghuhuli, paniniket, at pag-iimpound ng mga E-bike at E-trike.
Ipinaliwanag ni MMDA Acting Chairman Atty. Romando Don Artes napagdesisyunan ng ahensya na magsagawa pa ng 1 Linggong information drive.
Noong April 18 nang ipinag-utos ni Pangulong Ferdinand Marcos Jr. na bigyan pa ng 1 buwan na grace period ang mga E-bike at E-trike user dahil sa kakulangan ng awareness at daing na masyadong mataas ang multa na aabot sa P2,500.
Ayon sa MMDA, nabawasan na ang mga E-bike at E-trike users na nagtatangkang dumaan sa national roads sa loob ng nakalipas na 1 buwan na grace period.
Sa oras na maniket ang MMDA, 1,000 ang magiging multa sa mga E-bike at E-trike users kung meron silang dalang driver’s license habang 2,500 naman kung walang lisensya at ma-iimpound pa ang kanilang sasakyan
Tags: MMDA
METRO MANILA – Nagbigay ng grace period ang Metropolitan Manila Development Authority (MMDA) sa pagbabawal sa mga E-bike at E-trike na dumaan sa national road.
Ayon sa ahensya, sa May 18 na lang istriktong ipatutupad ang panghuhuli sa mga nasabing e-vehicles pero babala nito hindi ibig sabihin ay pwede nang magsamantala ang mga E-bike at E-trike na dumaan sa national roads sa loob ng itinakdang grace period.
Pinag-aaralan naman ngayon ng ahensya na maibalik sa mga may-ari ang na-impound na mga E-bike at E-trike nang hindi na magbabayad ng multa.
METRO MANILA – Magsasanib-pwersa na ang Department of Transportation (DOTr), Metropolitan Manila Development Authority (MMDA), at Philippine National Police (PNP) sa mga anti colorum operations sa bansa.
Isang kasunduan ang nilagdaan ng MMDA, DOTr, at DILG para bumuo ng isang joint task force para palakasin ang pwersa ng mga nanghuhuli sa kalsada.
Ang nasabing hakbang ay kasunod ng kautusan ni Pangulong Ferdinand Marcos Jr. sa Department of the Interior and Local Government (DILG) na tutukan ang operasyon sa mga colorum vehicle.
Tags: anti-colorum, MMDA, PNP
