Ilang kandidata ng Miss Universe ang nasa Cebu ngayon upang maglibot sa ilang tourist destinations.
Kabilang sa kanilang pinuntahan ang bayan ng Oslob upang mag-whale watching at Jpark Island Resort and Waterpark kung saan isasagawa ang swimwear presentation sa susunod na taon.
Matitikman din nila ang famous lechon Cebu at lilibot sa ilang tourist destinations at historical places kagaya ng Mactan Shrine at Magellan’s Cross.
Ikinatuwa naman ng mga kandidata ang pagiging magiliw ng mga Pilipino sa kanila; at kung gaano kasarap ang mga Filipino food katulad ng dried mangoes.
Dagdag pa ng mga ito nais nilang bumalik sa bansa at dalhin ang kanilang mga pamilya.
