Excited na ang lahat sa pinaka-aabangang grand finals night ng kauna-unahan at pinakamalaking online singing competition sa bansa, ang WISHcovery.
Ngunit bago ito, isa-isang bibisitahin ng WISHful 4 ang kani-kanilang mga bayang sinilangan para sa isang hometown tour. Sa pamamagitan nito magkakaroon ng pagkakataon ang kanilang mga kababayan na personal na makita at marinig ang kanilang mga pambato.
First stop ng WISHcovery team ang Cavite. Sa Lunes, manghaharana sa isang mini-concert ang pambato ng mga Caviteño si Hacel Bartolome. Sa Huwebes naman, Feb. 8, ay magbibigay ng musical entertainment si Carmela Ariola sa kanyang mga kababayan sa Batangas. Sa Feb. 12 naman ay masasaksihan ng live ng mga Bulakenyo ang performance ni Louie Anne Culala.
Samantala, aabangan naman sa entablado ng Camarines Norte ang teen WISHful na si Kimberly Baluzo sa Feb. 15.
Sa ngayon ay inaantabayanan pa ng sambayanan kung sino sa returning WISHfuls ang magwawagi sa wild card edition at makakasama ng WISHful 4 sa grand finals.
( Leslie Longboen / UNTV Correspondent )
Tags: hometown tour, mini-concert, wishcovery
MANILA, Philippines – Hinarana ng mga Wishcoveree ang mga music lovers sa Antipolo, Rizal kagabi bago magperform sa gaganapin na Wishcovery Season 2 Grand Finals Night sa The Big Dome sa Pebrero 26.
Iba’t ibang emosyon ang naramdaman nila sa unang pagkakataong magkasama-sama at kantahin sa harapan ng live audience ang awiting nilikha para sa kanila ng kaniya-kaniyang composer-wishcoverer.
Kabilang sa mga aawit ay sina Rhea Basco (Hingang Malalim by Jungee Marcelo); Jemy Picardal (Maliit Na Kwadro by Rannie Raymundo), Audrey Rose Arellano (Nasa ‘Yo by Odette Quesada), Nashrene Casas (Light In The Dark by Top Suzara), Tweetie Salas (Gising Kabataan by Noel Cabangon), Paula Guevara (I Am A Singer And This Is My Song by Moy Ortiz), Angelica Bermoy (Alamat by Boy Christopher Ramos), at Anna Marie Guinsisana (Ang Sakit-sakit Naman by Vehnee Saturno).
Nagpahayag isa-isa ang mga Wishcoveree ng kanilang mga kakaibang karanasan ng Wishcoveree Grand Finalists, babaunin din anila ang masayang samahan at ala-ala sa kabila ng mahigpit na kumpetisyon.
“Sa ibang competition po kasi parang mas pine-pressure ka po nila tapos dito po, hindi po. Parang family po talaga dito,” pahayag ni Nashrene Casas, Wishcoveree Grand Finalist.
Hanga naman ang mga Finalist sa konsepto ng Wishcovery Season 2 at mga oportunidad na ibinibigay ng Wish 107.5 hindi lang para sa mga katulad nilang aspiring singers sa bansa kundi sa kanilang mga chosen beneficiaries.
“For Wishcovery Season 2 po kasi, ang differences sa ibang singing competition na na-joinan ko po, ito kasi may charity component. So, aside from the singing competition itself, like the online singing competition, may charity component siya, so, ngayon pa lang po, panalo na po kami kasi makakapagbigay na po kami doon sa chosen beneficiary po namin,” pagpapaliwanag ni Paula Guevara.
“Wishcovery Season 2 is probably one of the smartest concept made. Kuya Daniel is very smart. Grabe ‘yung concept na ginawa niya kasi I would always say na kung nasa probinsya ka, it is so hard to get into the music scene lalo na sa Manila and it’s very nice na ‘yung Wish po mismo ‘yung pumupunta sa kaniya-kaniyang provinces namin para maghanap po ng singing gems.Kasi ang dami pong magagaling na singers all around the Philippines pero walang chance na ma-discover and Kuya Daniel Razon made that possible,” pagpapasalamat ni Tweetie Salas.
Wish come true naman para sa walong Wishcoverees ang kanilang pagtatanghal isang napakalaking venue.
“Sobrang excited kasi hindi ko po inaasahan na makakanta po ako sa Araneta na most mga artists po ang kumakanta po doon, tapos isa po ako sa kakanta ngayong 26 sa Araneta po kaya sobrang happy,” ani Angelica Bermoy.
Ang Wishcovery Season 2: The Singer and the Song Finals Night ay gaganapin sa Araneta Coliseum, Pebrero 26.
(Asher Cadapan, Jr. | UNTV News)
Tags: Wish 107-5, Wish 107.5 YouTube channel, wishcovery, Wishcovery Season 2
Sa ngalan ng pangarap, dinayo ng mga aspiring singer mula sa Bicol Region ang pagbubukas ng WISHcovery auditions sa Naga, Camarines Sur.
Isa na rito si Jeva Antonio, 18 anyos na mag-aaral mula sa Caramoan, Camarines Sur.
High school days pa lamang ay nahilig na sa pagkanta si Jeva at sumasali na sa iba’t-ibang kompetisyon.
Ngunit higit sa pangarap na makilala sa larangan ng pag-awit, isang dalangin ang nais niyang matupad sa pamamagitan ng pagsali sa WISHcovery; ito ay ang makita at makilala ang kaniyang biological parents.
Hindi man nakilala ang tunay na mga magulang, masayang lumaki si Jeva sa piling ng mga taong itinuring niyang pamilya.
Kaya naman, malaki ang utang na loob niya sa mga ito.
Bagama’t hindi niya kailanman nakita, walang sama ng loob si Jeva sa kanyang biological parents.
Buo naman ang pag-asa ni Jeva na sa pamamagitan ng WISHcovery ay maabot ng kanyang tinig ang kanyang tunay na ama at ina.
( Leslie Longboen / UNTV Correspondent )
Tags: Camarines Sur, Jeva Antonio, wishcovery
Matapos ang nakamit na tagumpay at mainit na pagtanggap ng publiko sa unang season ng WISHcovery ng WISH 107.5, nagbabalik ang biggest online talent search para sa panibagong yugto nito
Ngunit kaiba ito sa naunang season dahil isang bagong konsepto ang binuo ng innovator sa likod kompetisyon na si Kuya Daniel Razon, ito ang tinatawag na “The Singer and The Song”.
At noong Myerkules, nagsimula na ang paghahanap sa susunod na magiging kampeon sa WISHcovery Season 2.
Sa pagbubukas ng ikalawang season ng WISHcovery, lilibutin ng WISH 107.5 ang buong Pilipinas para hanapin ang susunod na singing sensation.
Ang first stop, ang Naga, Camarines Sur. Pinilahan ng mga pambato ng Bicol ang unang araw ng audition.
Bukod sa mga baguhan, mayroon ring mga nagbabalik na auditionee mula sa season 1 para muling tangakain na makapasok sa patimpalak.
Samantala, proud naman si Lyka Boñol sa kanyang mga kababayan. Si Lyka ang representative ng Naga City at kasama sa WISHful 20 ng WISHcovery Season 1.
Susunod namang dadayuhin ng WISH 107.5 ang Malolos, Bulacan para sa next leg ng WISHcovery auditions sa ika-9 ng Agosto.
( Leslie Longboen / UNTV Correspondent )
Tags: Naga city, Wish 107-5, wishcovery
