Nagsasagawa na ng sariling imbestigasyon ang sandatahang lakas ng Pilipinas hinggil sa lumabas na ulat mula sa PNP na may military general umano na protektor ang pamilya Parojinog.
Ayon kay AFP Public Affairs Office Chief Col. Edgard Arevalo, kahit naniniwala sila na walang opisyal sa kanilang hanay ang sangkot sa ilegal na droga ay pinaiimbestigahan pa rin nila ito.
Nais din nilang malaman ang pagkakakilanlan ng umano’y narco general upang matiyak kung retired na nga ba o active pa sa serbisyo.
Sakaling totoo ang nasabing ulat ay hindi ito kukonsintihin ng pamunuan ng AFP at tiyak na sasampahan ng kaso hanggang sa maalis sa serbisyo.
(Lea Ylagan / UNTV Correspondent)
Tags: Col. Edgard Arevalo, Parojinog
