METRO MANILA – Sinimulan na ng Manila International Airport Authority (MIAA) katuwang ang power distributor nito na MERALCO ang electrical audit sa Ninoy Aquino International Airport (NAIA) Terminal 3 noong Biyernes.
Ayon kay MIAA officer-in-charge Bryan Co, kapag natapos ang isinasagawang pag-a-audit ay matutukoy ng MIAA ang iba’t ibang kagamitan na kailangang i-upgrade, i-rehabilitate o bilhin para sa pagpapatibay ng power system ng NAIA Terminal 3.
“Yes, kailangan naming bumili o mag-lease ng additional generators and we are discussing with stakeholders and that’s the time na ma-determine kung magkano ang kailangang budget.” ani Co.
Dagdag pa ni Co na inaasahang matatapos ang audit sa loob ng 3 Linggo.
(Jeth Bandin | La Verdad Correspondent)
METRO MANILA – Pinag-iingat ng Manila International Airport Authority (MIAA) ang mga tauhan at pasahero laban sa banta ng COVID-19 Flirt variant.
Sa opisyal na pahayag, inatasan ni MIAA General Manager Eric Jose Ines ang mga tauhan nito na isama sa housekeeping ang pag-disinfect ng mga bagay o lugar na madalas nahahawakan o may exposure sa mga pasahero.
Kabilang na rito ang check-in counters, counter tops ng immigration at plastic trays na ginagamit para sa final screening ng luggage at kagamitan ng mga pasahero.
Pinaalalahanan din ng ahensya ang mga food concessionaire na magsagawa ng disinfection sa kani-kanilang lugar lalo na ang mga lamesa para sa mga customer.
Pinaigting din ng Bureau of Quarantine ang pagbabantay sa mga pasaherong papasok ng bansa.
Tags: COVID-19 Flirt Variant, MIAA
METRO MANILA – Inaasahan ng Department of Transportation (DOTr) na sa darating na Miyerkules, March 27, posibleng umabot sa 150,000 ang bilang ng mga daragsang mga pasahero sa Ninoy Aquino International Airport (NAIA).
Mas mataas ito kumpara sa daily average na kadalasang umaabot ng 135 hanggang 140,000 lamang.
Umaasa si DOTr Sec. Jaime Bautista na agad na maipatutupad ng winning bidder para sa NAIA rehabilitation ang ilang infrastructure projects gaya ng bagong kalsada para maibsan ang mabigat na daloy ng trapiko lalo na tuwing peak season.
METRO MANILA – Inihain ni OFW Party-list Representative Marissa Del Mar Magsino ang House Resolution Number 1615 upang imbestigahan ng komite sa kamara ang mga isyung kinakaharap ng Ninoy Aquino International Airport (NAIA).
Partikular na ang ulat ng mga peste at mabigat na daloy ng trapiko sa complex at mga kalapit-lugar ng paliparan.
Gayundin ang mahabang pila ng mga pasahero sa immigration checking counters.
Ayon sa mambabatas, nakaapekto na ito sa kalusugan at kaalwanan ng mga bumibiyaheng pasahero.
Binibigyang-diin sa resolusyon ang mga nakakababahalang isyu sa NAIA na nakaapekto sa reputasyon ng bansa.
Tags: NAIA
