Lubhang madami ang ibinuhos na ulan ng habagat dahilan upang bumaha sa mga bayan ng Marikina at San Mateo Rizal noong Agosto base sa isinagawang geohazard mapping ng Mines and Geosciences Bureau (MGB) Region 4A.
Ngunit hindi rin anila maiaalis ang posibilidad na may kinalaman din ang quarry operations sa pagbaha kaya patuloy ang kanilang imbestigasyon sa insidente.
Nangangamba naman si Barangay Chairman Edgar Sison na bagaman sarado ang Montalban Millex ay samantalahin naman ito ng mga illegal quarry operators.
Ngayong madalas ang mga pag-ulan lalo na sa hapon sa San Mateo Rizal, tigib ng pangamba ang mga residente kaya doble ang kanilang ginagawang pag-iingat at pagmomonitor sa kanilang lugar sa maaring pagbaha.
Samantala, may mga proactive action na umanong ginagawa ang Rizal Provincial Enviromental and Natural Resources Office sa mga landslide prone area sa Rizal upang mabigyan ng tamang aksyon at impormasyon ang mga taong malapit sa mga lugar na ito.
Nangangamba rin ang mga residente na baka sapitin din nila ang magkasunod na landslide sa Itogon, Benguet at City of Naga, Cebu.
( Jennica Cruz / UNTV Correspondent )
Tags: habagat, MGB, San Mateo Rizal
METRO MANILA – Umabot na sa 16 ang mga nasawi dahil sa bagyong Egay at southwest monsoon o habagat.
Batay ito sa latest report ng National Disaster Risk Reduction and Management Council (NDRRMC) as of July 30.
1 sa mga nasawi ang kumpirmado, habang bineberipika pa ang 15.
52 naman ang mga napaulat na nasaktan at 20 ang nawawala.
Samantala, umabot na sa mahigit P1.5-B ang pinsala nito sa agrikultura.
Habang halos P10-M sa imprastraktura.
Nasa P64-M naman ang naibigay nang tulong sa mga naa-pektuhan ng bagyo.
METRO MANILA – Inaasahang malilikha ang nasa 42,000 na trabaho sa muling pagbubukas ng mga bagong minahan sa bansa.
Isa ito sa nakikitang solusyon kaugnay ng balik probinsya, bagong pagasa program ng pamahalaan.
Ayon sa Mines and Geoscience’s Bureau (MGB) ng DENR, may 36 projects sa priority phase 1 na inaasahang maguumpisa na ang operasyon sa lalong madaling panahon .
May 65 projects naman na nasa priority phase 2 na kinukumpleto pa ang mga kailangang dokumento.
Tinatayang nasa P20-B naman kada taon ang posibleng dagdag na makuhang buwis sa pagbubukas ng mga bagong minahan, P58-B halaga ng export product at P5-B royalties.
Ayon sa MGB, nasa 1 – 5 taon bago makabuwelo sa operasyon ang isang minahan.
“Naghahabol tayo kailangan natin ng revenue dahil lubog na tayo sa utang kailangang madevelop na yung mining projects” ani Mines and Geosciences Bureau Dir. Wilfredo Moncano.
Ayon naman sa DENR, titiyakin nilang masusunod ang tamang paraan ng pagmimina.
“So hindi na natin iiwanan na talagang sirang-sira yung kabundukan o yung lugar bago nila rehabilitate” ani DENR Usec. Jonas Leones.
Kamakailan lang ay nilagdaan ni Pangulong Rodrigo Duterte ang Executive Order 130 na nag-aalis ng ban sa pagbubukas ng mga bagong minahan.
(Rey Pelayo | UNTV News)
Inaasahang lalabas na ngayong umaga ng Philippine area of responsibility (PAR) ang Bagyong Luis. Namataan ito ng PAGASA sa layong 430km sa north northwest ng Basco, Batanes.
Taglay nito ang lakas ng hangin na 40kph at pagbugso na aabot sa 70kph. Kumikilos ito pa east northeast sa bilis na 15kph.
Ayon sa PAGASA, walang direktang epekto ang bagyo sa bansa subalit pinalalakas nito ang habagat na nakakaapekto ngayon sa ilang bahagi ng Luzon.
Base sa forecast ng PAGASA, makararanas ng hanggang sa malalakas na pag-ulan ang Ilocos Region, Cordillera Administrative Region, Zambales, Bataan, Batanes at Babuyan Group of Islands.
Ang Metro Manila at nalalabing bahagi ng Luzon ay makararanas naman ng papulo-pulong pag-ulan.
Samantala, isang low pressure area (LPA) pa ang binabantayan ng PAGASA sa layong 1,205km sa silangan ng Basco, Batanes.
Ayon sa PAGASA, may posibilidad din na maging bagyo ito subalit hindi na inaasahang tatama sa bansa.
Tags: Bagyong Luis, habagat, LPA
