Muling hiniling ang mga school bus operator sa LTFRB na ipagpaliban ang pag phase out sa mga lumang school service.
Nauna ng ipinagpaliban ng LTFRB ang phase out sa mga lumang school service at sa halip ay nagbigay pa ito ng isang taong palugit upang makapagpalit ng bagong unit ang mga operator.
Ayon sa Alliance of Concerned Transport Operators o ACTO, hindi pa lahat ay nakabili ng bagong sasakyan kaya nais nilang ipagpaliban ang gagawing phase out sa mga lumang school service.
Sa tala ng LTFRB, sa Metro Manila lamang, mayroong mahigit anim na libong rehistradong school service at halos dalawang libo sa mga ito ay mahigit ng labing limang taon ang serbisyo.
Nanindigan naman ang LTFRB na huling pagkakataon na ang binigay nilang palugit sa mga operator noong isang taon.
(UNTV NEWS)
METRO MANILA, Philippines – Kinuwestiyon ng mga kongresista ang Department Order 2017-009 ng Department of Transportation na layong i-phase out o huwag nang payagang bumiyahe ang mga truck na may 15 taon pataas.
Sa kasagsagan ng pagdinig ng House Committee on Metro Manila Development, walang naipakitang komprehensibong pag-aaral ang mga ahensyang nagpapatupad nito.
“(Were) there studies made prior to issuance of this department order? Studies that reflect that after 15 years, certain vehicles in the country (have) resulted to accidents (due to) breakdowns of trucks?,” pag-uusisa ni Rep. Anthony Bravo ng COOP-NATCO Partylist.
Tugon ni LTFRB Boad Member Ronaldo Corpuz, “on my personal knowledge po, wala po. Hindi ko po alam sa DOTR. Ang alam ko po, nag-trigger nito yung mga dumaraming aksidete ng units.”
“You just compared ito to the bus then issued a department order… I cannot see the logic Mr. Chairman,” ani Rep. Anthony Bravo.
Pero paliwanag ni Corpuz, kapag tumagal na ng 15 taon ang isang sasakyan, rumurupok na ang metal nito at malaki ang tiyansa na maging sanhi ito ng aksidente.
Aniya ang department order na ito ay ibinase sa naunang inilabas ng DOTR hinggil sa pag-phase out sa mga bus na may edad 15 taon pataas mataapos ang sunod-sunod na aksidente sa bus kamakailan.
Ngunit hindi kumbinsido sa paliwanag na ito ang mga kongresista at ang grupo ng mga trucker. Ayon sa kumite, dapat pagtuunan ng pansin ang pagbili ng mga bagong motor vehicle inspection service (MVIS) upang regular na mainspeksyon ang mga sasakyan bago payagang bumiyahe.
Ulat ni Grace Casin | UNTV News
Tags: deparment order 2017-009, Department of Transportation, DOTr, ltfb, MMDA, phase out, trucks
Matapos ang planong phase out sa mga jeep, isusunod naman ng lokal na pamahalaan ng Quezon City ang pag-phase out sa mga tricycle. Pero hindi ito magagawa ng biglaan kung kayat dahan-dahan itong ipatutupad.
Papalitan ng Quezon City Government ng mga modernong electric tricycle ang mahigit dalawampu’t limang libong registered tricycle sa buong lungsod.
Ang mga electric tricycle ay donasyon mula sa bansang Japan sa pamamagitan ng Japan International Cooperation Agency (JICA).
Pag-aaralan muna ng lokal na pamahalaan sa loob ng tatlong buwan kung magiging epektibo ang mga e-trike kapalit ng regular na tricycle.
Isang dry run ang uumpisahan ng QC Government sa pamamagitan ng pagdedeploy ng tig lilimang e-trike sa tatlong ruta sa South Triangle kabilang ang EDSA Kamuning, Scout Chuatoco at Panay Avenue.
Ayon sa lokal na pamahalaan, inihahanda nila ang programa na iaalok sa mga tricycle driver upang matulungan ang mga ito na makalipat sa modernong e-trike.
Sa pamamagitan ng dropping and substitution ay papalitan ang mga tricycle. Bawat e-trike ay nagkakahalaga ng mahigit 400 daang libong piso kumpara sa regular na tricycle na nagkakahalaga ng 200 libong piso.
Anim na tao ang kayang isakay ng e-trike na may bilis na hanggang 40 kilometer per hour at kayang tumakbo ng hanggang 60 kilometer kapag full charge.
Sang-ayon naman ang mga tricycle driver bastat huwag lamang daw sila bibiglain gaya ng ginawa ng pamahalaan ng mga jeepney operator.
Ang mga tricycle ay nasa hurisdiksyon ng mga lokal na pamahalaan at wala sa ilalim ng Land Transportation Franchising and Regulatory Board (LTFRB).
( Mon Jocson / UNTV Correspondent )
Ipagpapatuloy pa rin ng Land Transportation Franchising and Regulatory Board (LTFRB) ang pag-phase out sa mga “for hire” na truck edad 15 taon pataas.
Ayon sa LTFRB, matagal na nila pinagbibigyan ang mga truck operators dahil noong 2012 pa lamang ay ipinapatupad na nila ang pag-phase out subalit pinagbibigyan pa rin ang mga truck na lampas na sa 15 taon na makapagparehistro sa huling pagkakataon.
Kinukwestyon ng truck operators kung bakit hindi sakop ang mga private trucks sa sa naturang kautusan. Pero ayon kay LTFRB Chairman Atty. Winston Ginez hindi saklaw ng LTFRB ang mga truck na pagmamayari ng mga pribadong kompanya.
Anya, patuloy ang paguusap na ginagawa ng LTFRB kaugnay sa hiling ng mga operators na road worthiness na lang ang gawing basehan at hindi ang year model ng mga truck.
Samantala, ang mga bumabyaheng hindi rehistradong truck na mahuhuling lagpas sa labing limang taon ay papatawan ng P200,000 na multa
