METRO MANILA, Philippines – Panibagong bawas-presyo sa mga produktong petrolyo ang ipinatupad na ng ilang oil company noong Sabado.
Ayon sa mga industry player, ₱1 kada litro na rollback sa gasoline, diesel at kerosene ang mararamdaman ng mga consumer.
Ilan sa mga oil company ang nagpatupad na ng bawas-presyo noong Sabado gaya ng Unioil, Seaoil, Phoenix at PTT Philippines. Habang kahapon naman araw ng Linggo nagpatupad na ng rollback ang Jetti at sa Martes naman ipatutupad ng Shell at Petro Gazz ang bawas-presyo.
Sa kabuoan, mas maraming beses pa rin na nagkaroon ng dagdag-presyo sa buong taon kumpara sa price rollback.
Ayon sa Department of Energy (DOE) bagama’t nagdesisyon ang mga oil exporting countries na magbawas ng kanilang produksyon hindi pa nito lubusang naaapektuhan ang merkado. Sobra-sobra pa rin ang produksyon ng Estados Unidos, Russia, Saudi at Iran.
Ayon sa DOE, maaaring mas maramdaman ang epekto ng 1.2 million barrels per day production cut kapag sinimulan na ito sa January 2019 hanggang July 2019.
Nag-desisyon ang OPEC na magbawas ng produksyon dahil sa bumagsak na presyo ng petrolyo sa world market dulot ng mataas na supply ng langis.
(Mon Jocson / UNTV News)
Tags: diesel, gasolina., kerosene, petroleum products, price rollback, rollback
METRO MANILA – Panibagong rollback sa presyo ng langis ang posibleng aasahan sa susunod na Linggo.
Sa inisyal na pagtaya ng ilang oil industry players, maaaring bumaba ng nasa P0.80 hanggang P1.20 ang presyo ng kada litro ng diesel.
Habang nasa P1.90 hanggang mahigit P2 naman ang posibleng maging rollback sa gasolina.
Samantala P0.85 hanggang P1.25 naman na bawas ang inaasahan sa kerosene.
Sa Lunes (May 13) iaanunsyo ng mga kumpanya ng langis ang final price adjustment na ipatutupad naman sa araw ng Martes, May 14.
METRO MANILA – Posibleng may ipatupad na panibagong bawas o rollback sa presyo ng mga produktong petrolyo ang mga kumpanya ng langis bukas araw ng Martes, January 2.
Sa inisyal na pagtaya ng mga oil company, maaaring bumaba ng P0.30 hanggang P0.60 ang presyo ng kada litro ng Diesel.
Habang posible namang walang galaw o mabawasan ng P0.25 ang kada litro ang presyo ng gasolina.
Sa Kerosene naman ay inaasahan na magkakaroon ng rollback na umaabot ng P1.10 hanggang P1.30 sa kada litro nito.
Ngayong araw (January 1), posibleng ianunsyo ng mga kumpanya ng langis ang final price adjustment na ipatutupad bukas.
Ayon kay Department of Energy Oil Industry Management Bureau Assistant Director Rodela Romero, ang pagbaba ng presyo ay bunsod ng pagkapawi ng shipping disruptions sa red sea.
Epektibo na nitong June 1 ang bigtime rollback sa Liquefied Petroleum Gas (LPG).
Sa abiso ng Petron, P6.20 ang bawas presyo sa kada kilo ng LPG. Katumbas ito ng P68.20 kada isang 11-kilogram na tangke.
P6.10 naman ang bawas presyo sa kada kilo ng LPG ng Phoenix. Katumbas ito ng P67.10 kada tangke.
Ang Caltex, may P6.18 naman na bawas presyo sa kanilang solane, na katumbas ng P67.98 kada tangke.
Mayroon ding P3.47 kada litro na rollback sa auto LPG ang Phoenix at Petron.
