Umabot na sa 192 ang napapatay kaugnay sa anti-illegal drugs campaign ng pamahalaan.
Batay ito sa datos na inilabas ng Philippine National Police Directorate for Investigation and Detective Management o DIDM mula May 10 hanggang July 10.
Ayon sa PNP, 57 ang napatay sa Region 4A, 46 sa Region 3, 21 sa Metro Manila, 13 sa ARMM at wala sa Region 8.
Ang nasabing bilang ay mas mababa kung ikukumpara sa datos na inilabas ng ibang media organizations.
Paliwanag ng PNP na bago ito maglabas ng datos ay sinusuri munang maiigi kung may kaugnayan sa iligal na droga ang napatay na suspek.
(Lea Ylagan / UNTV Correspondent)
METRO MANILA – Nasabat ng Bureau of Customs (BOC) katuwang ang PDEA at Inter-Agency Drug Interdiction Group NAIA, ang tangkang pag-eexport ng nasa 763 grams ng methamphetamine hydrochloride o shabu na nagkakahalaga ng mahigit 5.2 million pesos.
Binalot at isinilid sa mga kahon ng shuttle cock ang mga droga nang masamsam ito ng mga awtoridad sa kanilang isinagawang x-ray scanning at physical examination.
Ayon sa imbestigasyon, ang kargamentong naglalaman ng mga ilegal na droga ay patungo sana ng Bahrain, United Kingdom at Australia.
Agad namang nai-turn over kahapon (July 30) sa PDEA ang mga nasamsam na droga para sa profiling at paghahain ng reklamo.
Nahaharap naman sa RA 9165 o Comprehensive Dangerous Drug Act of 2002 at paglabag sa Section 1401 o (Unlawful Importation and Exportation) sa ilalim ng “Customs Modernization and Tariff Act of 2016” ang mga sangkot sa tangkang pag-eexport.
(Jasha Gamao | La Verdad Correspondent)
Tags: BOC, illegal drugs
METRO MANILA, Philippines – Mayroong 1.6 million illegal drug users sa bansa na gumagastos ng bilyon-bilyong pisong halagang kada buwan. Ito ang ipinahayag ni Pangulong Rodrigo Duterte sa PDP-Laban campaign rally sa Cagayan de Oro City kagabi.
Aniya, validated ang datos na ito sa ilalim ng pamumuno ng Senatoriable at dating PNP Chief Ronald Bato dela Rosa sa Metro Manila pa lamang.
Nanghihinayang rin aniya siya sa bilyong pisong nasasayang sa droga na maaari na sanang magamit sa pagpapakain at pagpapaaral ng maraming Pilipino.
Tags: illegal drugs, Pang, war on drugs
METRO MANILA, Philippines – Tumaas ang bilang ng mga menor de edad na nasasangkot sa krimen noong 2018 kumpara noong 2017. Base sa tala ng Philippine National Police, ang mga children in conflict with the law (CICL) mula 10,388 noong 2017 ay umakyat ito sa 11,229 noong 2018.
Nangunguna sa mga krimen na madalas kasangkutan ng mga menor de edad noong nakaraang taon ay ang physical injury, theft, malicious mischief, illegal drugs at rape.
Mahigit kalahati rin ang itinaas ng bilang ng mga menor de edad na nasasangkot sa ilegal na droga noong 2018. Mula sa 481 noong 2017 ay umakyat ito sa 857 noong nakaraang taon.
Nanguna ang Metro Manila, Central Visayas, CALABARZON, Central Luzon, Cagayan Valley, Ilocos Region, Soccsksargen, Davao Region, Zamboanga Peninsula, Northern Mindanao, Western Visayas, Cordillera, MIMAROPA, Caraga, Bicol, Eastern Visayas at ARMM.
Kaya naman pabor si PNP Chief PDG Oscar Albayalde na ibaba sa siyam na taong gulang ang age of criminal responsibility sa halip na 15 taong gulang. Aniya tiyak na mababawasan ang mga krimen na kinasasangkutan ng mga bata kapag naipasa na ang naturang panukalang batas.
Sinabi pa nito na bukod sa mga bata, dapat na mas mabigat na parusa rin ang ipataw sa mga magulang ng mga menor de edad na nasasangkot sa krimen.
(Lea Ylagan | UNTV News)
Tags: 2018, age of discernment, crime, crime in conflict with the law, illegal drugs, krimen, malicious mischief, menor de edad, physical injury, PNP Chief, theft
