METRO MANILA, Philippines – Tumaas ang bilang ng mga menor de edad na nasasangkot sa krimen noong 2018 kumpara noong 2017. Base sa tala ng Philippine National Police, ang mga children in conflict with the law (CICL) mula 10,388 noong 2017 ay umakyat ito sa 11,229 noong 2018.
Nangunguna sa mga krimen na madalas kasangkutan ng mga menor de edad noong nakaraang taon ay ang physical injury, theft, malicious mischief, illegal drugs at rape.
Mahigit kalahati rin ang itinaas ng bilang ng mga menor de edad na nasasangkot sa ilegal na droga noong 2018. Mula sa 481 noong 2017 ay umakyat ito sa 857 noong nakaraang taon.
Nanguna ang Metro Manila, Central Visayas, CALABARZON, Central Luzon, Cagayan Valley, Ilocos Region, Soccsksargen, Davao Region, Zamboanga Peninsula, Northern Mindanao, Western Visayas, Cordillera, MIMAROPA, Caraga, Bicol, Eastern Visayas at ARMM.
Kaya naman pabor si PNP Chief PDG Oscar Albayalde na ibaba sa siyam na taong gulang ang age of criminal responsibility sa halip na 15 taong gulang. Aniya tiyak na mababawasan ang mga krimen na kinasasangkutan ng mga bata kapag naipasa na ang naturang panukalang batas.
Sinabi pa nito na bukod sa mga bata, dapat na mas mabigat na parusa rin ang ipataw sa mga magulang ng mga menor de edad na nasasangkot sa krimen.
(Lea Ylagan | UNTV News)
Tags: 2018, age of discernment, crime, crime in conflict with the law, illegal drugs, krimen, malicious mischief, menor de edad, physical injury, PNP Chief, theft
METRO MANILA – Hindi matitinag ang Pilipinas sa paglaban sa krimen kahit na kumalas ang bansa sa Rome statute.
Ito ang binigyang diin ni Pangulong Ferdinand Marcos Junior sa kaniyang recorded video message sa ginanap na second session ng Summit for Democracy na idinaos ng Estados Unidos.
Ayon kay PBBM patuloy na gumagana ang criminal justice system ng bansa at may batas na nagpaparusa kabilang na sa mga umano’y sangkot sa mga pagpatay sa ilalim ng war on drugs ng nakaraang administrasyon.
Dagdag pa ni Pangulong Marcos patuloy na inaayos ng pamahalaan ang sistema ng hustisya sa pamamagitan ng iba’t ibang institusyon at mekanismo upang maprotektahan ang buhay, kalayaan at seguridad ng mga Pilipino.
Magpapatuloy din aniyang active player ang Pilipinas sa pakikipagdayalogo sa ibang mga bansa ukol sa mga isyu sa demokrasya, karapatang pantao at mabuting pamamahala.
Samantala muli namang iginiit ni Dating Pangulong Rodrigo Duterte na wala siyang pakialam sa pagnanais ng ICC na imbestigahan ang kanyang kampanya laban sa droga.
Sinabi nito na handa siyang mabulok sa kulungan bunsod ng isinulong na prinsipyo kontra droga.
Tags: crime, PH, Rome Statute
METRO MANILA – Sinimulan na ng Pateros Local Government ang pagre- rehistro sa mga nasa 12- 17 taong gulang na magpapabakuna kontra COVID-19.
Ayon kay FDA Dir General Eric Domingo, isa itong magandang hakbang sa mga naghihintay ng vaccine rollout para sa mga Pilipinong menor de edad.
“It’s a great initiative on the part of the LGU na ngayon pa lang mag-umpisa na silang magregister ng mga adolescents, kasi darating naman talaga tayo doon. Darating din naman yung panahon na magbabakuna ng mga bata, it would be good I think for LGUs to prepare para kapag sinabi ng DOH na ok we have enough pwde na tayong mag- vaccinate ng adolescents, pwede na agad islang makapag- roll out” ani FDA Director General, Usec. Eric Domingo.
Ayon pa sa fda, kailangan lang talagang hintayin ang go signal ng pamahalaan bago masimulan ang pagbabakuna kontra COVID-19 sa mga kabataan.
Prayoridad pa lang ngayon ng pamahalaan na makakumpleto ng kanilang COVID-19 shots ang nasa A1 hanggang A5 sector.
“Low risk pa rin ang mga bata bagama’t nagkakaroon ng marming cases across all ages pati sa mga bata, sila pa rin ang lowest risk of getting COVID and lowest risk of getting severe COVID” ani FDA Director General, Usec. Eric Domingo.
Sa ngayong ang Pfizer at Moderna pa lang ang may amended Emergency Use Authorization sa bansa na maaaring gamiting bakuna para sa mga 12 taong gulang pataas.
Samantala ayon sa FDA, hindi pa nagsusumite ang Pfizer ng kanilang certificate of product registration sa Pilipinas para maibenta ito sa merkado at mabili ng mga pribadong sektor at sinomang indibidwal.
Wala ring bagong vaccine manufacturer na nagsumite ng Emergency Use Authorization (EUA) application sa Pilipinas ayon sa FDA.
(Aiko Miguel | UNTV News)
Tags: COVID-19 VACCINATION, FDA, menor de edad
METRO MANILA – Nasabat ng Bureau of Customs (BOC) katuwang ang PDEA at Inter-Agency Drug Interdiction Group NAIA, ang tangkang pag-eexport ng nasa 763 grams ng methamphetamine hydrochloride o shabu na nagkakahalaga ng mahigit 5.2 million pesos.
Binalot at isinilid sa mga kahon ng shuttle cock ang mga droga nang masamsam ito ng mga awtoridad sa kanilang isinagawang x-ray scanning at physical examination.
Ayon sa imbestigasyon, ang kargamentong naglalaman ng mga ilegal na droga ay patungo sana ng Bahrain, United Kingdom at Australia.
Agad namang nai-turn over kahapon (July 30) sa PDEA ang mga nasamsam na droga para sa profiling at paghahain ng reklamo.
Nahaharap naman sa RA 9165 o Comprehensive Dangerous Drug Act of 2002 at paglabag sa Section 1401 o (Unlawful Importation and Exportation) sa ilalim ng “Customs Modernization and Tariff Act of 2016” ang mga sangkot sa tangkang pag-eexport.
(Jasha Gamao | La Verdad Correspondent)
Tags: BOC, illegal drugs
