Patuloy na nadadagdagan ang bilang ng nasawi sa pananalasa ng bagyong Paeng sa bansa.
Sa pinakahuling tala ng National Disaster Risk Reduction and Management Council, umabot na ito sa 156.
121 dito ang kumpirmado na habang 35 ang patuloy na bina-validate ng NDRRMC.
Nasa 141 din ang sugatan at 37 pa ang nawawala. Mahigit sa 1.2 million na pamilya o may katumbas mahigit sa 4.6 million na indibidwal ang naapektuhan ng bagyo.
Nadagdagan din ang halaga ng nasira sa imprastraktura na nasa mahigit 4.3 billion pesos.
Tags: Bagyong Paeng
