Mga nakanselang flight ng PAL patungong Saudi Arabia, bibiyahe ngayong araw

by Radyo La Verdad | August 22, 2018 (Wednesday) | 14539

Bibiyahe na ngayong araw ang mga nakanselang flight ng Philippine Airlines (PAL) patungong Saudi Arabia.

Sakop nito ang mga flight na naapektuhan ng pagsadsad ng Xiamen Aircraft sa 06/24 runway ng Ninoy Aquino International Airport (NAIA).

Samantala, bukas naman nakatakdang bumiyahe ang iba pang mga naapektuhang flight ng PAL kabilang na ang mga papunta ng Riyadh at Dammam.

Para sa mga pasahero na nagnanais na makasakay sa naturang flight subalit wala pang natatanggap na notification sa kanilang booking, inaabisuhan ang mga ito na tumawag muna sa PAL hotline number 855-88-88 o makipag-ugnayan sa alinmang PAL ticketing office.

Muling ring binigyang-diin ng PAL na hindi nila ipinapayo na agad na magtungo ang mga pasahero sa airport na walang anomang kumpirmasyon mula sa airlines upang maiwasan ang abala at pakikipagsiksikan sa NAIA Terminal.

Tags: , ,