Nagsimula na ngayong araw na maglipat ang Land Transportation Office ng mga impounded na sasakyan mula sa main office nito sa Quezon City patungo sa bagong impounding area sa Barangay San Isidro, Tarlac City.
Siyam sa mahigit isang daan at limampung sasakyan ang unang dinala ng LTO sa impounding area ngayong araw.
Ayon sa LTO, aaraw-arawin nila ang paglilipat upang mabawasan na ang congestion ng mga naka-impound na sasakyan sa kanilang opisina.
Malaking tulong umano sa LTO na matangal ang nakatambak na sasakyan sa kanilang opisina sa Quezon City para may paglagyan naman mga bagong nahuhuli araw-araw.
Uunahin ng LTO na ilipat ang mga sasakyang maayos pa at pwede pang maniubrahin saka i-susunod ang mga sasakyang kailangang hatakin.
Nasa 8000 square meter ang kabuoang sukat ng lupa ng impounding area dito sa Tarlac.
Subalit kailangan pang tambakan ang malaking bahagi nito.
Bukod sa Metro Manila dito rin dadalhin ang mga sasakyan nahahatak ng LTO sa Region 3.
(Bryan Lacanlale / UNTV Correspondent)
Tags: inilipat na sa Tarlac, Mga naka-impound na sasakyan sa LTO
Sunod-sunod na dumating dito sa impounding area ng Land Transportation Office dito sa Tarlac ang labing pitong sasakyan na nakaimpound sa main office ng Land Transportation Franchising and Regulatory Board sa Quezon City.
Ayon sa LTFRB dito na rin dadalhin ang natitira pang labing dalawang unit na naka-impound sa kanilang opisina.
Ang mga impounded motor vehicle ay nahuli lamang ngayong buwan ng Agosto.
Colorum ang karamihang violation ng mga sasakyan.
Ito na ang pangatlong batch ng sasakyan na dinala dito sa Tarlac.
Ang unang dalawang batch ng mga sasakyan ay mula naman sa Land Transportation Office o LTO.
Nasa 34 na ang kabuoang bilang ng unit na dinala dito sa Tarlac mula lamang nitong Lunes.
Tiniyak naman ng LTO na mapapangalagaan ang mga sasakyan sa lugar.
Patuloy na nanawagan ang Land Transportation Office sa mga motorista na ugaliin ang pagsunod sa batas trapiko upang hindi mahuli at lumaki ang perwisyong dulot nito sa kanila.
(Bryan Lacanlale / UNTV Correspondent)
Tags: 17 impounded na sasakyan sa LTFRB, inilipat na sa Tarlac
