Mananagot ang mga nagpabayang personel.
Ito ang tiniyak ni DSWD Secretary Dinky Soliman kaugnay sa mga nabulok relief goods mula sa Tacloban warehouse.
Ayon sa kalihim, nagpadala na siya ng mga tauhan upang siyasatin kung bakit nabulok ang mahigit sa 200 family food packs.
Nilinaw ni Soliman na hindi ito lahat bigas kundi may kasamang gatas, kape at de lata.
“Yun nga yung inaalam namin kung bakit hindi agad naipamigay. Pero ang isa kong alam na dahilan na binigay na sa akin nung Regional Director huli nang dumating galing sa Cebu kasi ito yung inorder namin thru pitc.” Pahayag ng kalihim
Natuklasan ang mga nabubulok na food packs noong November 26 na binaon lingid sa kaalaman ni Secretary Soliman.
Ang mga nabulok na relief goods ay para sana sa mga nasalanta ng bagyong Rubi sa Eastern Visayas noong 2014.
Sa ngayon ay hindi pa suspendido ang 2 DSWD Personel sa Eastern Visayas na iniuugay sa pangyayari , subalit sa oras na matapos ang imbestigasyon at mapatunayang nagpabaya ang mga ito ay papatawan ng kaukulang parusa.
Tiniyak naman ng kalihim na mas maayos na ang ginagawa nilang pageempake ngayon ng mga relief goods lalo na’t ginagamitan na ito ng mechanized food repacking sa National Resource Operation Center sa Pasay.
Kaya nitong mag-repack ng 50 pack ng relief goods kada araw at tatagal ng 8 buwan bago ma expire.
Sa ngayon ay may 130k food packs ang naka-imbak sa National Resource Operation Center sa Pasay.
Ito ay para sa prepositioning o paghahanda kung sakaling magkaroon ng kalamidad sa bansa.
Samantala, nasagawa ngayon huwebes ng ground breaking ceremony sa itatayong bagong warehouse sa tulong ng Australian Government. (Rey Pelayo/UNTV News)
Tags: DSWD Secretary Dinky Soliman, National Resource Operation Center, relief goods
METRO MANILA – Sinisimulan na ng Department of Social Welfare and Development (DSWD) na ihatid ang relief packages sa mga lugar na madalas tamaan ng bagyo mula sa kanilang National Resource Operations Center sa Pasay City.
Ayon kay Social Welfare SecretaryErwin Tulfo, ito ay para mas madaling makarating ang tulong sa mga apektadong mamamayan sa oras ng sakuna o kalamidad.
At upang makasiguro na walang relief items na masasayang o mapapabayaan, nagbabala Secretary Tulfo sa mga opisyal ng gobyerno.
Kahapon nag-inspeksyon ang kalihim sa National Resource Operation Center ng DSWD.
Tiniyak nito na sa ngayon ay mayroon namang sapat na suplay ng ayuda na maaring ipamahagi sa mga LGU sa mga evacuation center.
Ayon sa DSWD, nasa 20,000 na mga food packages ang kayang ibalot ng DSWS kada araw na sasapat para sa distribusyon sa mga lokal na pamahalaan.
Prayoridad ng DSWD na agad nang maihatid ang mga relief items partikular na sa Surigao, Tacloban, Leyte at Tuguegarao na kadalasang dinaraanan ng malalakas na bagyo.
(JP Nunez | UNTV News)
Tags: DILG, LGU, relief goods
Pangunahing hanapbuhay sa Candaba, Pampanga ay ang pagsasaka at pangingisda. Nang manalasa ang Bagyong Ompong, tila wala ng pinagkaiba ang palayaan at palaisdaan dahil mistulang naging dagat na ito dahil nalubog sa baha.
Marami ang nalugi dahil karamihan sa mga palayan ay lumubog sa aabot sa 15 feet, habang aabot naman sa 20 feet sa mga palaisdaan.
Bagaman hindi ito sentro ng bagyo, ang mga tubig na binagsak ni Ompong sa Aurora, Nueva Ecija ay bumababa naman sa Pampanga River kaya ito umapaw.
Kasalukuyang under state of calamity ngayon ang Candaba dahil aabot na sa dalawampu’t tatlong mga barangay ang apektado ng pagbaha.
Aabot sa halos 150 milyong piso ang napinsala sa agrikutura sa Candaba, Pampanga ng Bagyong Ompong.
Samantala, aabot sa mahigit pitong libong pamilya ang nabigyan na ng relief goods. Ang isang relief pack ay naglalaman ng 8 delata, limang kilo ng bigas at 1 bote ng toyo.
( Leslie Huidem / UNTV Correspondent )
Tags: Bagyong Ompong, Pampanga, relief goods
Dumating na sa Albay ang 21 truck ng Department of Social Welfare and Development (DSWD) na puno ng relief goods. Kaagad nagtungo ang mga ito sa mga evacuation centers sa walong bayan na apektado ng pag-aalboroto ng Bulkang Mayon.
Ang mga ito ay ang Guinobatan, Camalig, Daraga, Malilipot, Sto. Domingo, Tabaco City, Ligao City at Tabaco City. Aabot sa 24,000 relief packs ang dala ng hatid tulong Mayon caravan ng DSWD.
Bawat relief packs ay nagkakahalaga ng P402. Naglalaman ito ng anim na kilong bigas , ilang de lata gaya ng corned beef at sardinas at mayroon ding ilang balot ng kape.
Una rito ay namahagi na rin ng halos kapareho ring laman ng relief goods ang (Metropolitan Manila Development Authority (MMDA) at ilang local government officials sa Metro Manila kahapon.
Samantala, pinabulaanan naman ng opisyal ng Brgy. Lidong sa Sto. Domingo, Albay ang napabalita na diumano ay may natanggap silang sirang relief goods.
Paalala ng DSWD, kung sakaling makakakuha o makakatanggap man ng mga sirang relief goods ang mga evacuees, agad itong ipaalam sa kanilang tanggapan.
( Allan Manansala / UNTV Correspondent )
Tags: Albay, DSWD, relief goods
