Kinumpirma ng pamunuan ng Philippine National Police na mabibigyan na ng parangal ang Special Action Force Commandoes na nagbuwis ng buhay sa Mamasapano incident.
Ayon kay ni PNP Chief PDG Ricardo Marquez, sa lunes Jan. 25,kasabay ng paggunita sa insidente, ibibigay na ang ikalawa sa pinakamataas na award o distinguished conduct medal for heroism o medalya ng kabayanihan sa 42 na SAF commando kabilang ang team leader na si P/Supt. Raymund Train.
Habang hinihintay pa rin ng pnp ang approval ng pangulo para mabigyan ng pinakamataas na parangal o medal of valor ang 2 sa saf 44 na sina sina P/CInsp. Gednat Tabdi at PO2 Romeo Cempron.
Si Tabdi ang team leader ng team 1 main effort 1, 84th Special Action Company o Assault Team sa ikinasang oplan exodus sa Tukanalipao Mamasapano, Maguindanao.
Si Tabdi rin ang pumutol sa daliri ni Marwan matapos na napatay sa kubong tinutuluyan nito.
Habang si PO2 Cempron naman ang nagsilbing lead gunner sa main effort 2, 55th Special Action Company i blocking force.
Siya ang nagbigay seguridad sa arresting team nina Marwan at Basit Usman at sya rin ang tumulong upang makatakas ang kasamahang si PO2 Christoper Lalan.
Sinabi pa ng heneral na iimbitahan sa lunes ang pamilya ng SAF 44 at sasagutin lahat ng pnp ang gastos ng mga ito kasama ang pamasahe.
Dagdag pa ng heneral, matapos ang isang taon mula nang mangyari ang Mamasapano incident, naka recover na rin aniya ang PNP mula sa malagim na insidente.
Tiniyak din ng heneral ang maayos na koordinasyon sa Armed Forces of the Philippines sa anomang operasyon upang hindi na maulit ang nangyari sa SAF 44.
Kinumpirma rin ng pinuno ng pambansang pulisya na naibigay na lahat ng benipisyo at maging ang mga donasyon mula sa mga private sector para sa pamilya ng SAF 44.
(Lea Ylagan/UNTV News)
Inalala kahapon ng sambayanang Pilipino ang kabayanihan ng 44 na miyembro ng PNP-Special Action Force na nasawi sa bakbakan sa Tukanalipao Mamasapano, Maguindanao noong January 25, 2015.
Isang Wreath Laying Ceremony ang isinagawa sa Regional Headquarters ng Police Regional Office nine sa Zamboanga City bilang pag-alaala sa Saf 44.
Ipinagpapasalamat naman ng kaanak ng Gallant 44 ang pagbibigay ng kahalagahan ni Pang. Rodrigo Duterte sa mga ito partikular na ang pagdedeklara sa January 25 bilang Day of National Remembrance.
Ngunit sa kabila ng pagpupugay at pag-alaala ng buong bansa sa Gallant 44, nais pa rin ng kanilang mga naiwang mahal sa buhay na makamit ang hustisya.
Nangako naman si Pangulong Rodrigo Duterte ng hustisya para sa mga naulila ng Fallen SAF 44.
Sa pahayag ni Presidential Spokesperson Secretary Harry Roque, nangako umano ang Pangulo na aalamin ang katotohanan sa pumalyang operasyon.
Samantala, nasawi naman sa isang pagsabog sa La Paz, Abra si Police Officer 3 Carlos Bocaig, ang isa sa mga SAF Trooper na nakaligtas sa Mamasapano encounter.
Nasawi rin ang isa pang pulis habang dalawampu’t tatlo naman ang nasugatan kabilang si Mayor Menchi Bernos at asawang si Congressman Joseph Bernos.
Sa initial na report ng La Paz PNP, nangyari ang pagsabog habang nanood ang mga biktima ng fireworks, nang biglang may naghagis ng granada sa stage kung saan naroon ang mga biktima.
( Dante Amento / UNTV Correspondent )
Tags: duterte, Mamasapano, SAF 44
Tatlong taon na ang lumipas, ngunit hanggang ngayon ay hindi pa rin naghihilom ang sugat na iniwan sa mga mahal sa buhay ng apat na pu’t apat na miyembro ng Philippine National Police Special Action Force na nasawi sa malagim na trahedya sa Tukanalipao, Mamasapano, Maguindanao.
Tulad na lamang ni Rohirmina Asjali, ina ni PO3 Jedz-In Asjali, sariwa pa rin umano sa kaniyang ala-ala ang anak noong nabubuhay pa ito.
Si Jedz-In ay miyembro ng 55th SAF na napatay sa bakbakan sa oplan exodus o ang misyon para mahuli ang international terrorist na si Zulkifli Bin Hir o “Marwan” noong January 25, 2015 sa Mamasapano.
Pangalawa ito sa tatlong magkakapatid, binata ngunit siya ang sumusuporta sa dalawang kapatid na kapwa may pamilya na. Makalipas ang tatlong taon, wala pa ring napapanagot sa madugong insidente.
Ngunit hindi umano magsasawang sumisigaw para sa katarungan ang mga katulad ni Rohirmina na hindi nawawalan ng pagasa na mabibigyang hustisya ang pagkamatay ng mahal sa buhay.
( Leslie Longboen / UNTV Correspondent )
Tags: hustisya, Mamasapano incident, SAF 44
Parehong hindi natuloy ang pagbasa ng sakdal laban sa dalawang dating pinakamataas na opisyales ng bansa.
Si dating Pangulong Benigno Aquino III ay kinasuhan ng paglabag sa RA 3019 o Anti-Graft and Corrupt Practices Act at usurpation of official functions. Nag-ugat ang kaso sa naging operasyon ng PNP na “Oplan Exodus“ sa Mamasapano noong 2015, kung saan 44 na miyembro ng Special Action Force ang napatay sa pag-aresto sa terrorist at bombmaker na si Zulkifli Abdhir, alyas Marwan at si Basit Usman.
Noong July 2017 ay inabswelto ng Office of the Ombusman si Aquino sa kasong homicide. Subalit may pananagutan pa rin umano ito sa pagkamatay ng SAF 44.
Base sa impormasyon ng kaso, nagpa-impluwensya umano si Aquino sa noo’y suspendidong PNP Chief Alan Purisima kaugnay sa Oplan Exodus.
Nilabag umano ni Aquino ang PNP Chain of Command, ang suspension order ng Office of the Ombudsman laban kay Purisima at maging ang kautusan ni noo’y OIC PNP Chief Leonardo Espina. Nakapagpiyansa si Aquino ng P40K para sa kanyang pansamantalang kalayaan.
Ayon sa abogado ng dating presidente, may nakahain pa silang motion to quash kaya’t nakansela ang arraignment at inilipat na lamang sa February 15.
Positibo naman ang pananaw ng Malakanyang sa ginagawang pagsunod sa rule of law ni dating Pangulong Benigno Aquino III hinggil sa Mamasapano case.
Samantala, hindi rin natuloy ang pagbasa ng sakdal kay dating Vice President Jejomar Binay sa third division ng Sandiganbayan dahil may nakabinbin din itong mosyon.
Inaakusahan si Binay sa kasong katiwalian sa umano’y maanumalyang konstruksyon ng Makati Parking Building.
( Rey Pelayo / UNTV Correspondent )
Tags: Aquino, Oplan Exodus, SAF 44
