Nilinaw ng Bangko Sentral ng Pilipinas na dapat pa ring magamit na pambili ang mga lumang pera hanggang sa katapusan ng 2015.
Ayon sa BSP, ang mga lumang serye ng pera na inilabas noon pang 1985 ay maari pa ring gamitin na pambayad at panukli hanggang sa katapusan ng 2015.
Ngunit pagsapit ng 2016, ang mga bagong serye na lamang ng pera ang maaring gamitin.
Sakaling mayroon pa ring natitira o naitatabi na lumang serye ng pera sa susunod na taon, maaari itong mapapalitan sa mga banko o sa BSP simula January hanggang December ng taong 2016.
Dagdag pa ng BSP, kinakailangang mapapalitan ang lahat ng mga lumang serye ng limang piso haggang isang libong piso, dahil simula sa January 1, 2017 ay wala nang halaga ang mga ito.
December 2014, nang ianunsyo ng BSP ang demonetization sa mga lumang peso bill.
Sa ngayon ay sinisimulan na ng Central Bank ang pag-reretire ng mga lumang peso bill upang unti-unti nang maialis sa Automated Teller Machines o ATM ang mga ito at tanging ang mga bagong serye na lamang ang mai-didispense ng mga banko.(Joan Nano/UNTV News)
Nakararanas ngayon ng artificial coin shortage ang bansa. Ayon sa Bangko Sentral ng Pilipinas, ito ay dahil may ilang Pilipino ang hindi ginagamit ang kanilang barya at sa halip ay iniipon lamang ito.
Upang masolusyunan ang nasabing isyu, inilunsad ng Bangko Sentral ng Pilipinas ang automated coin deposit machines kung saan maaring ihulog ng mga Pilipino ang kanilang barya para maging credit.
Nakipag-ugnayan ang BSP sa ilang business groups gaya ng SM, Robinsons, at Filinvest para magamit ang mga naipong credit sa kanilang establisymento.
Pwede rin namang ilagay ng mga customer ang kanilang coin deposit sa kanilang bank account o e-wallet.
Nasa 25 na CODM ang ii-install sa mga piling lugar sa greater Manila at ilang probinsya. Sa pamamagitan nito, maibabalik sa circulation ang mga barya upang maiwasan ang kakulangan sa suplay.
Dagdag pa ng BSP, mas madagdagan ang gastos ng gobyerno kung magpo-produce ng pa ng coins dahil sa shortage.
Tags: Automated coin deposit machines, Bangko Sentral ng Pilipinas
Bumaba ng ilang porsyento ang kumpiyansa ng mga mamumuhunan sa bansa.
Sa datos ng Bangko Sentral ng Pilipinas (BSP), 39.5% ang naitalang business confidence rate ng Pilipinas mula Enero hanggang Pebrero. Mababa ng ilang puntos kung ikukumpara sa 4th quarter ng taong 2017.
Ibig sabihin sa 1,500 kumpanya na tinanong, 43.3% ang nasabing tiwala sila na magnegosyo sa bansa noong Oktubre hanggang Nobyembre ng nakaraang taon pero kumonti ito sa unang bahagi ng 2018 .
Ayon sa BSP, ilan sa mga posibleng dahilan nito ay pagbagal ng aktibidad sa negosyo, pagbaba ng gastos ng mga mamimili pagkatapos ng holiday season, pagtaas ng presyo ng mga produktong petrolyo dahil sa dikta ng international market at ang dagdag na buwis sa petrolyo dahil sa pagpapatupad ng TRAIN Law. Pero paliwanag ng BSP ay pansamantala lamang ito.
Maaga pa para sabihing bahagi ito ng paghina ng ekonomiya ng Pilipinas dahil sa mga susunod na buwan pa umano tunay na mararamdaman ang epekto ng TRAIN Law ayon sa isang ekonomista.
Sa kabila nito, inaasahang naman ng BSP na tataas ang business confidence sa 47.8% sa susunod na quarter dahil sa pagtaas ng demand ngayong tag-init at ang epekto naman sa mga nakikinabang sa TRAIN Law.
Gayun din ang pag gastos ng pamahalaan sa mga infrastructure projects sa ilalim ng ‘Build, Build, Build’ program.
(Mai Bermudez/UNTV Correspondent)
Tags: Bangko Sentral ng Pilipinas, Build Build Build program, TRAIN Law
Inilabas na ng Bangko Sentral ng Pilipinas ang mga banknotes o mga perang papel na may “enhanced designs.”
Sa mga banknote na inilibas, simula Martes, Dec. 5, mapapansin ang ilan sa pagbabago gaya nang nakalagay sa P200 bills kung saan naka-highlight ang declaration of Philippine Independence at ang Malolos Congress.
Makikita naman sa P50 bills ang katagang “Leyte Landing October 1944” sa halip na “Leyte Landing” lang na gaya ng makikita sa limang pera.
Inalis din ang imahe ng order of Lakandula Medal at ang katagang “Medal of Honor” sa P20, P50, P100, P200 at P1,000.
Nilinaw ng Bangko Sentral ng Pilipinas na wala naman silang binago sa new generation currency bagaman pinatingkad nila ang ilang disenyo para mabigyan ng pansin ang kasaysayan at likas na yaman ng bansa.
Tags: Bangko Sentral ng Pilipinas, enhanced designs, perang papel
