Nananatili sa siyam ang bilang ng mga lugar na kabilang sa election areas of concern o hotspots.
Ayon kay Philippine National Police Chief PDG Ricardo Marquez, kahit ang Jones, Isabela kung saan pinatay ng New People’s Army ang vice mayor ng bayan ay nasa category 2 pa lamang ng election watchlist areas base sa kanilang assessment.
Subalit nagdagdag sila ng tauhan sa lugar at maging sa Baggao, Cagayan.
Makakasama sa election watchlist ang isang lugar kapag may presensya rito ng mga threat group tulad ng mga rebelled at terrorista, laganap ang private armed group at mahigpit ang political rivalry.
Gayunman, sinabi pa ni Chief PNP na kung sakaling may mga lugar na lalala pa ang gulo at karahasan, hindi na ito maikokonsiderang hotspots bagkus ay agad itong isasailalim sa COMELEC control o ikokonsiderang COMELEC controlled area.
Sa kasalukuyan ay patuloy ang assessment ng PNP sa iba’t ibang lugar sa bansa upang mabatid kung saan paiigtingin ang seguridad para sa halalan.
Samantala, dalawang linggo bago ang eleksyon ay itatalaga na ang mga pulis sa kani-kanilang assigned polling precinct na babantayan para na rin sa gagawing final testing ng COMELEC sa mga gagamiting Vote Counting Machine sa May 2-6.
(Lea Ylagan / UNTV Correspondent)
Tags: COMELEC, matinding karahasan
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
