Iprinisinta ng Ecowaste Coalition ang mga laruan na mapanganib sa kalusugan ng mga bata dahil sa nakalalasong kemikal na taglay ng mga ito.
Layon nito na mabigyang babala ang publiko sa pagbili ng mga laruan ngayong holiday season.
Ilan sa laruan na natukoy na may mataas na content ng kemikal ay ang dinosaur pvc animal play set, kids world stuffed clown, pangatlo ang baby and music xylphone, sunod rito ang ninja turtle at ang soft ball toy.
Ang mga laruan ay nabili ng Ecowaste Coalition sa Divisoria market na nagkakahalaga ng ten pesos hanggang 150 pesos.
Kaugnay nito inilunsad ngayon ng grupo ang safe toys campaign upang bigyang gabay ang publiko na mamimili ng mga laruan ngayong holiday season.
Paala ng Ecowaste sa mga mamimili, iwasang bumili ng mga laruan na may matitingkad na pintura, gayundin ang mga laruan na lubhang maliit ang sukat na maaring malunok ng mga bata.
Dapat ring iwasan ang mga laruang matutulis na maaring makasugat at may mga tali na maaring makasakal sa bata.
Sa halip na mga makukulay na laruan, payo ng ecowaste mas makabubuti na bigyan na lamang ang mga bata ng educational materials o mga damit
Sa ngayon ay marami pa ring mga laruan na may lead content ang ibinebenta sa murang halaga sa merkado.
Muli namang nanawagan sa pamahalaan ang grupo na magpatupad ng mas mahigipit na batas sa importation upang hindi na makapasok sa bansa ang ganitong uri ng mga produkto.(Joan Nano/UNTV Correspondent)
Tags: Ecowaste Coalition, kalusugan, laruan
METRO MANILA – Sisimulan na ng Department of Education (DepEd) na ipatupad muli ang kanilang mga programang pangkalusugan sa ilalim ng “Oplan Kalusugan” o “OK sa DepEd” program ng kagawaran.
Layunin ng programa na mapagtibay ang health program ng DepEd gaya ng school-based feeding program at iba pang nutrition support programs.
Kasama rin dito ang national drug education program, comprehensive tobacco control; adolescent reproductive health program (ARH); water, sanitation at hygiene (WASH) in schools (WINS).
Ilan pa sa muling isasagawa ng kagawaran ang pagbibigay ng medical, dental at nursing services at school mental health program.
Samantala, sa tala ng DepEd, kadalasang sakit na naitatala sa mga mag-aaral ay ang dental caries, sipon at ubo, gayundin ang skin allergies.
Habang nasa 3.5 million naman na mga estudyante sa elementarya ang ikinukonsiderang undernourished. 1.7-M dito ay mula sa kinder to grade 6 students habang 1.8-M naman ay mula sa kinder level nationwide.
Bukod sa DOH, katuwang rin ng DepEd ang Office of the Vice President sa pagtugon sa problema sa mulnutrisyon sa bansa sa pamamagitan nman ng kalusugan food trucks nito na ide-deploy at mag-iikot sa Luzon, Visayas at Mindanao.
(Janice Ingente | UNTV News)
Manila, Philippines – Nagbabala ang grupong Ecowaste Coalition sa mga magulang na mag-ingat at maging mapanuri sa pagbili ng mga school supplies na ibinebenta sa Divisoria.
Sa pagiikot ng grupo sa ilang pamilihan sa Quiapo, Maynila, Makati at Divisoria.
Natuklasang ibinebenta umano ang ilang school supplies na may nakalalasong kemikal o sangkap.
Mula sa 85 items na kanilang nasuri 34 sa mga ito ang nagtataglay ng mataas na content ng lead at cadmium.
Ilan sa mga ito ang bag, crayola, water color, baunan ng tubig at bag tag. Ito ang mga ginamitan ng matitingkad na pintura. Ayon sa Ecowaste, lubhang delikado sa kalusugan ang kemikal na taglay ng mga ito.
“for example dun sa lead kung pintura ito may pagkakataon na mababakbak ito, hawak hawak ng mga anak natin sumama duon sa kanilang mga kamay kumain sila so ingestion na kaagad sa ganong pagkakataon maeexpose talaga ang ating mga anak” ani Ecowaste Coalition Chemical Safety Campaigner, Thony Dizon.
Base sa datos ng World Health Organization (WHO), ang lead at cadmium ay kabilang sa top 10 chemicals of major public health concern. Kaya nitong sirain ang nuerological, gastro-intestinal, cardiovascular at iba pang sistema ng ating katawan.
Samantala, isusumite ng Ecowaste Coaltion ang mga naturang item sa Food and Drug Administration (FDA) upang himukin sila na mag inspeksyon sa ilang pamilihan at kumpiskahin ang mga ganoong produkto.
(Joan Nano | Untv News)
Tags: Ecowaste Coalition, Food and Drug Administration, World Health Organization
Hindi masagot ni Presidential Spokesperson Harry Roque ang mga tanong hinggil sa kalusugan ni Pangulong Rodrigo Duterte.
Ito ay matapos lumabas ang mga ulat na sinabi nina Acting Interior Secretary Eduardo Año at Chief Presidential Legal Counsel Salvador Panelo na cancer-free ang punong ehekutibo.
Ayon sa mga opisyal, mismong si Pangulong Duterte ang nagsabi umano nito sa kanilang cabinet meeting kagabi. Tumanggi naman si Roque na kumpirmahin o pabulaanan ang mga pahayag na ito.
Gayunman, nagtitiwala pa rin si Roque na kung sakaling mang may seryosong banta sa kalusugan ng Pangulo, mismong si Pangulong Duterte ang magsasabi nito sa publiko.
Subalit sa ngayon, hangga’t walang binabanggit ito ay nanindigan ang Malacañang sa karapatan ni Pangulong Duterte hinggil sa confidentiality.
Samantala, hindi pa rin nakakapagdesisyon ang opisyal kung itutuloy nito ang pagtakbo bilang senador o tanggapin ang alok na pagiging press secretary ng Duterte administration. Patuloy aniya silang nag-uusap ni Pangulong Duterte hinggil dito.
Sa susunod na linggo, inaasahang magbigay ito ng pinal na desisyon at nakatakda ring bumiyahe ang kalihim patungong China para sa isang conference mula ika-11 hanggang ika-15 ng Oktubre.
( Rosalie Coz / UNTV Correspondent )
Tags: kalusugan, Pangulong Duterte, Presidential Spokesperson Roque
