Inaasahang mas maraming bilang ng trabaho ang bubuksan ng mga kumpanya sa bansa pagpasok ng second quarter ng 2016 ayon sa Bangko Sentral ng Pilipinas.
Ayon kay BSP Department of Economic Statistics Director Rosanel Guerrero, bunsod ito ng lumabas na employment outlook index o inaasahang employment percentage para sa unang quarter ng taon.
Anya, umabot sa 27.2 percent ang index para sa nasabing quarter na mas mataas sa 19.5 percent noong last quarter ng 2015.
Bukod dito, aabot din sa 31.3 percent ng mga negosyo sa ilalim ng industry sector ang nagpa-plano ng expansion sa ikalawang quarter ng taon dahilan upang asahan ang mas malaking employment percentage sa naturang quarter.
Tags: Bangko Sentral ng Pilipinas, Mga kumpanya, second quarter ng taon, trabaho
Nakararanas ngayon ng artificial coin shortage ang bansa. Ayon sa Bangko Sentral ng Pilipinas, ito ay dahil may ilang Pilipino ang hindi ginagamit ang kanilang barya at sa halip ay iniipon lamang ito.
Upang masolusyunan ang nasabing isyu, inilunsad ng Bangko Sentral ng Pilipinas ang automated coin deposit machines kung saan maaring ihulog ng mga Pilipino ang kanilang barya para maging credit.
Nakipag-ugnayan ang BSP sa ilang business groups gaya ng SM, Robinsons, at Filinvest para magamit ang mga naipong credit sa kanilang establisymento.
Pwede rin namang ilagay ng mga customer ang kanilang coin deposit sa kanilang bank account o e-wallet.
Nasa 25 na CODM ang ii-install sa mga piling lugar sa greater Manila at ilang probinsya. Sa pamamagitan nito, maibabalik sa circulation ang mga barya upang maiwasan ang kakulangan sa suplay.
Dagdag pa ng BSP, mas madagdagan ang gastos ng gobyerno kung magpo-produce ng pa ng coins dahil sa shortage.
Tags: Automated coin deposit machines, Bangko Sentral ng Pilipinas
METRO MANILA – Inaasahang malilikha ang nasa 42,000 na trabaho sa muling pagbubukas ng mga bagong minahan sa bansa.
Isa ito sa nakikitang solusyon kaugnay ng balik probinsya, bagong pagasa program ng pamahalaan.
Ayon sa Mines and Geoscience’s Bureau (MGB) ng DENR, may 36 projects sa priority phase 1 na inaasahang maguumpisa na ang operasyon sa lalong madaling panahon .
May 65 projects naman na nasa priority phase 2 na kinukumpleto pa ang mga kailangang dokumento.
Tinatayang nasa P20-B naman kada taon ang posibleng dagdag na makuhang buwis sa pagbubukas ng mga bagong minahan, P58-B halaga ng export product at P5-B royalties.
Ayon sa MGB, nasa 1 – 5 taon bago makabuwelo sa operasyon ang isang minahan.
“Naghahabol tayo kailangan natin ng revenue dahil lubog na tayo sa utang kailangang madevelop na yung mining projects” ani Mines and Geosciences Bureau Dir. Wilfredo Moncano.
Ayon naman sa DENR, titiyakin nilang masusunod ang tamang paraan ng pagmimina.
“So hindi na natin iiwanan na talagang sirang-sira yung kabundukan o yung lugar bago nila rehabilitate” ani DENR Usec. Jonas Leones.
Kamakailan lang ay nilagdaan ni Pangulong Rodrigo Duterte ang Executive Order 130 na nag-aalis ng ban sa pagbubukas ng mga bagong minahan.
(Rey Pelayo | UNTV News)
Inaanyayahan ng Department of Labor and Employment (DOLE) ang lahat ng mga fresh graduates at job seeker na magtungo sa 21 job and business fair sites sa buong bansa sa darating na Martes, ika-12 ng Hunyo.
Nasa halos 125,000 na mga trabaho ang naghihintay sa mga Pilipino sa pagdiriwang ng ika-120 anibersaryo ng Araw ng Kasarinlan.
Mahigit animnapung libo dito ay para sa local employment at kabilang sa top job vacancies ang production machine operator at mahigit pitong libong vacant positions sa Armed Forces of the Philippines (AFP), Philippine National Police (PNP), Philippine Navy at Bureau of Jail Managenment and Penology (BJMP).
Mahigit 53,000 naman ang bukas para sa overseas employment kung saan nangangailan sila ng service workers, nurse, engineer, labor workers, sales personnel at mga karpintero .
Kabilang sa mga bansang may job opening ang KSA, UAE, Qatar, Malaysia, Japan, Oman at New Zealand.
Ang pinakasentro ng isasagawang job fair sa National Capital Region ay sa Senior Citizen’s Garden, Rizal Park Manila.
Tinitiyak ng DOLE na lahat ng mga kumpanyang kalahok sa job and business fair ay hindi mag-aalok ng kontraktwal na trabaho lalo na’t mahigpit ang bilin ng pamahalaan na wakasan na ang endo sa bansa at gawing regular ang mga manggagawa.
Sa kasalukuyan, tinatayang nasa 2.3 million ang unemployed pa rin sa bansa.
Ayon sa DOLE, sa pamamagitan ng patuloy na pagsasagawa ng job and business fair, mababawasan ang mga walang trabaho.
( Aiko Miguel / UNTV Correspondent )
