Hinamon ni Senator Nancy Binay ang mga kasamahang senador na aminin ang kanilang mga personal na motibo sa pagpirma nila sa inihaing draft report ni Senator Koko Pimentel,chairman ng senate blue ribbon subcommittee, ukol sa mga umanoy anomalya sa Makati Parking Building II at iba pang alegasyong patuloy na idinidikit sa bise presidente.

“My colleagues have their own reasons for signing and I respect that. But I wish those who signed it thinking it would boost their plans to run for president or vice president will be candid enough to admit their personal motives,”pahayag ni Senator Nancy Binay.

Ayon pa sa senadora,hindi na siya nagulat sa desisyon ng iba niyang kasamahan,ngunit sana ay maintindihan ng mga ito na mababalewala lang din ang 21 pagdinig na ginawa ng komite pagdating nito sa Ombudsman.

Iginiit pa ng senadora,na dapat ihayag ng Blue Ribbon subcommittee sa publiko ang laki ng ginastos nila sa mga isinagawang hearings,at huwag papaniwalain ang taumbayan sa mga paninira at walang katuturang pahayag ng mga kalaban nila sa pulitika.

Sa kasalukuyan ay sampung senador na ang pumirma sa draft report na nagrerekomenda na sampahan ng kasong plunder si Vice President Jejomar Binay.(Meryll Lopez/UNTV Radio)

Tags: Blue Ribbon subcommittee, Nancy Binay, Senate, VP Binay