Nagsagawa ng pilot testing ang National Telecommunication Commission o NTC sa equipment na gagamitin sa pagmomonitor ng internet broadband speed ng mga Internet Service Providers o ISP.
Minonitor muna ng NTC kung ibinibigay ng mga isp ang nakaadvertise nilang internet broadband speed para sa mga line subcriber nito.
Ginawa ito sa pamamagitan ng device na tinatawag na handheld service tester kung saan sinubok kung gaano kabilis ang pagda-download ng local at international websites.
Sinubukan muna ito sa main office ng NTC sa Quezon city kahapon kung saan apat na isp ang minonitor ng NTC kabilang dito ang Globe, PLDT, Bayantel at Skycable.
Ipupublish naman kaagad ang resulta nito.
Paliwanag pa ng NTC na may katapat na parusa ang alinmang telco na may makikitang paglabag.
Pinaplano na rin ng NTC ang pagmomonitor para sa mobile broadband internet speed.(Darlene Basingan/UNTV Correspondent)
Nagkaharap na kahapon sa National Telecommunications Commission ang mga respondent at petitioner kaugnay sa dinidinig na isyu sa magabal na internet connection sa bansa.
Subalit sa pagdinig, hindi parin nakapagsumite ng sagot ang mga respondent.
Kaya naman binigyan sila ng NTC ng hanggang May 12 upang sagutin ang petisyon ni dating Congressman Rolex Suplico, saka naman ito gagawan ng aksyon ng NTC.
Sa petisyong inihain ni suplico kinukuwestiyon nito ang umano’y 700 megahertz provisional authority na ibinigay ng NTC sa tatlong telcos na wi-tribe, new century at high frequency na hindi naman umano ginagamit ng mga ito.
Aniya kung ang frequency na ito ay ibibigay na lamang sa mga exsisting telcos, mas bibilis ang internet connection sa bansa.
Sa ngayon ayaw munang magsalitang NTC kaugnay sa kanilang isinasagawang pagdinig.
Subalit tiniyak ng NTC na ginagawa nila ang lahat ng paraan upang mapabilis ang internet sa bansa.
Ayon naman kay NTC Regulation Branch Director Edgardo Cabarios, makatutulong sa pagpapalakas ng connection sa bansa kung magatayo ng maraming mga cell site.
Subalit base aniya sa report na kanilang natatanggap, nahihirapan ang mga telcos na magtayo ng karagdagang cell sites dahil sa dami ng mga requirement na hinihingi ng mga local goverment units.
Samantala kasalukuyan nang nakahain sa dalawang kapulungan ng kongreso ang panukalang batas para mapabilis ang koneksyon ng internet sa bansa.
Sa buong mundo, isa ang Pilipinas sa may pinakamahal at pinakamabagal na internet connection sa mundo.
(Grace Casin/UNTV NEWS)
Tags: dating Congressman Rolex Suplico, internet connection, National Telecommunications Commission, NTC Regulation Branch Director Edgardo Cabarios
Naghain ng complaint sa National Telecommunications Commission ang dating kongresistang si Atty Rolex Suplico.
Hiling nita sa NTC na bawiin sa tatlong Telcos ang 700 megahertz frequency na umano’y hindi naman nito ginagamit.
Ito aniya ang dahilan kaya nagiging mabagal ang internet connection sa bansa.
Sinabi pa ni Suplico na kung maibabalik ang 700 mhz frequency sa NTC at ibigay ito sa ibang Telcos ay tiyak bibilis at lalawak ang internet conection na ating nagagamit.
Dagdag pa nito na ang nasabing frequency ay pag-aari ng gobyerno kaya maaari din itong bawiin sa mga Telco kung hindi ito ginagamit sa tama.
Tiniyak naman ng NTC na pag-aaralan nito ang complaint ni Sulpico kung may basehan na bawiin at ipamahagi sa ibang Telcos ang nasabing frequency.
Wala pa namang ibinibigay na pahayag ang tatlong Telecom na inirereklamo ni Sulpico.
(Grace Casin/UNTV NEWS)
Tags: Atty Rolex Suplico., National Telecommunications Commission, Telcos
Sisimulan na sa October 19 ng National Telecommunications Commission o NTC ang actual speed testing sa internet speed ng fixed setup o yung gaya ng nasa mga bahay at opisina ng mga telecommunications corporation
Gagawin ang speed test sa sampung lokasyon kabilang dito ang Eusebio High School sa Rosario Pasig, Bago Bantay Elementary School sa Quezon City, Manila City Hall at Sto. Nino Elementary School sa Marikina
Kapag natapos na ang testing, isasapubliko ng NTC ang resulta sa mga pahayagan at sa kanilang website upang malaman kung talagang nasusunod ng mga Telco ang kanilang advertised speed
Isusunod naman ng NTC ang speed testing sa mga mobile internet sa buwan ng Nobyrembre o Disyembre
