METRO MANILA – Aprubado na ni Pangulong Rodrigo Duterte ang rekomendasyon ng Inter-Agency Task Force (IATF) kontra COVID-19 kaugnay ng pagpapatuloy ng quarantine restrictions sa ilang bahagi ng bansa.
Simula May 16 hanggang 30, 2020, sasailalim na ang Metro Manila sa Modified Enhanced Community Quarantine (MECQ).
Gayundin ang probinsya ng Laguna at ang Cebu City.
“Dahil Modified Enhanced Community Quarantine, naka-ECQ pa rin pero may ilang industriya nang magbubukas “ ani Presidential Spokesperson Sec. Harry Roque.
Sa ilalim ng MECQ, limitado pa rin ang paggalaw ng mga tao sa pag-access ng mahahalagang serbisyo at trabaho.
Bagaman, bubuksan na ang operasyon ng ilang piling industriya na may maximum 50 percent workforce, limitado pa rin ang transport services at suspindido pa rin ang physical classes.
Gayunman, may mga area naman sa MECQ na maaaring isailalim ng ECQ o lockdown lalo na sa mga area na tinatawag na critical at containment zone.
“Yung mga local na pamahalaan na po ang siyang magdedeklara at magka-classify kung ano ang mga barangay na matataas pa po ang kaso ng covid-19 para po ma-subject pa sa ecq. Kinakailangan po yung classification at pagtatalga ng LGU ay gawin pursuant to the regional IATF ”ani Presidential Spokesperson Sec. Harry Roque.
Ayon sa palace official, isasapinal pa ng IATF ang mga industriyang bubuksan na simula May 16, 2020 sa MECQ areas.
Samantala, ang low-risk areas naman sa covid-19 sa iba’t ibang bahagi ng bansa ay di na sasailalim sa community quarantine simula May 16.
Mapapasailalim naman ang moderate-risk areas sa general community quarantine hanggang katapusan ng Mayo.
Gyunman dapat pa ring panatilihin ang minimum health standards sa mga low at moderate risk areas gaya ng pagsusuot ng mask, physical distancing at good hygiene.
Hinihikayat din ang mga residente sa mga lugar na ito na manatili lang sa bahay kung wala namang importanteng gagawin sa labas.
Nagpaalala naman si Pangulong Duterte Sa publiko hinggil sa new normal na dapat ugaliin ng publiko upang maiwasan ang muling pagkalat ng virus.
“Mayroon tayong mga tawag niyang “new normal”. the easing up of the restrictions hindi iyan sabihin na wala na ang covid. dahan-dahan lang. Because we cannot afford — we cannot afford a second or third wave na mangyari.” ani Pangulong Rodrigo Duterte.
(Rosalie Coz | UNTV News)
Tags: IATF
METRO MANILA – Nakatakdang maglabas ng kautusan si Pangulong Ferdinand Marcos Junior upang pormal na bawiin ang State of Public Health Emergency sa bansa dulot ng COVID-19 pandemic.
Ayon kay Health Secretary Teodoro Herbosa, hinihintay na lang ang resolusyon na manggagaling sa Inter-Agency Task force for the Management of Emerging Infectious Diseases (IATF-MEID).
March 8, 2020 nang ideklara ni dating pangulong Rodrigo Duterte ang State of Public Health Emergency.
Tags: Covid-19, IATF, PBBM, State of Public Health Emenrgency
METRO MANILA – Naniniwala si Vaccine Expert Panel Chairperson Doctor Nina Gloriani na maaaring tumaas pa rin ang hawaan ng COVID-19 kung aalisin na ang face mask policy.
Dahil dito posibleng mas madaling makakukuha ng sakit ang mga nasa vulnerable sector katulad na lang ng matatanda, mga bata, at immunocompromised kung lalabas at makikisalamuha sa mga walang mask.
Nanawagan naman sa IATF si Dr. Maricar Limpin, ang immediate past president ng Philippine College of Physicians na pag-isipan muna ang rekomendasyon.
Sa isang panayam, sinabi din Dr. Rontgene Solante, isang infectious disease expert na hindi pa ito ang tamang panahon para sa pag-aalis ng mask.
Ganito rin ang pananaw ng health reform advocate na si Dr. Anthony Leachon.
Bagamat maaari aniya nitong mapanumbalik ang sigla ng ekonomiya, delikado at masyado pang premature ang pag-aalis ng face mask mandate sa ngayon.
Sa pahayag naman na inilabas ng DOH, nakasaad na ang posisyon talaga ng ahensya ay ipagpatuloy ang pagsusuot ng face mask .
Nguni’t sa naging pagpupulong ng IATF, mayroon ding mga datos ang naipresenta para irekomenda na ang pag-aalis nito.
Sa ngayon, hinihintay pa kung maglalabas ng executive order ang pangulo upang maging ganap na polisiya ang opsyonal na pagsusuot ng face mask.
(JP Nuñez | UNTV News)
Tags: DOH, Face mask, health experts, IATF
Pinirmahan na ni Cebu City Mayor Michael Rama ang isang Executive Order kung saan sasailalim sa trial period ang voluntary face mask policy sa lungsod. Base sa EO, iiral ang trial simula September 1 hanggang sa December 31, 2022. Pero awtomatiko itong ili-lift kapag magdudulot ng Covid-19 surge sa syudad.
Ayon sa Department of Health, hindi sila nakonsulta sa bagong polisiya ng lungsod.
Sinabi ni DOH officer-in-charge Undersecretary Maria Rosario Vergerie, na pag-uusapan na nila at ng IATF ang magiging rekomendasyon kay Pangulong Ferdinand Marcos Jr. ukol sa face mask policy.
“We are not aware of this proposal. Lahat po ito ay pag-uusapan mamaya. May IATF po kami. We have convened the IATF. Remember, IATF is recommendatory to the office of the President. We will be discussing all of these issues later on and we will be informing the public once the office of the President has decided already,” pahayag ni Usec. Maria Rosario Vergeire, OIC, DOH.
Una ng sinabi ng Malakayang na ikokonsidera ng Pangulo ang magiging opinyon ng DOH, Department of the Interior and local Government at iba pang mga sektor sa magiging desisyon sa face mask policy.
(Lalaine Moreno | UNTV News)
Tags: Cebu City, DOH, face mask policy, IATF, Maria Rosario Vergeire
