Itinakda sa November 24 hanggang 30 ng United Nations Arbitral Tribunal ang pagdinig sa merito ng kasong isinampa ng Pilipinas sa China hinggil sa maritime dispute sa West Philippine Sea
Ito ay matapos na maglabas ng desisyon ang tribunal noong October 30 na nagsasabing may jurisdiction ito sa kaso at admissible ang claims na iprenisenta ng Pilipinas
Pito sa 15 mga claims ng Pilipinas ang reresolbahin ng tribunal
Kabilang dito ang pagresolba sa isyu ng maritime entitlements ng Scarborough Shoal, Mischief Reef, Second Thomas Shoal, Subi reef, Gaven Reef, Mc Kennan Reef at iba pa
Maging ang isyu ng pagharang ng China sa mga nangingisdang mga Pilipino ay tatalakayin sa tribunal
Ayon sa tribunal, hindi makaka apekto sa jurisdiction nito sa kaso ang patuloy na pagtanggi ng China na sumali sa pagtalakay dito batay na rin sa isinasaad nang probisyon sa annex 7 ng convention
Sinabi rin ng tribunal na hindi pang aabuso sa UNCLOS ang ginawang pagdulog ng Pilipinas sa kaso kahit tumatanggi China
Pagkatapos ng pagdinig, apat hanggang anim na buwan pa ang hihintayin bago mailabas ang desisyon
Ayon kay Justice Carpio, posibleng maglabas ng ruling ang tribunal bago o pagkatapos ng halalan sa susunod na taon.
METRO MANILA – Hindi na naiwasang magkasagian ang supply boat na kinontrata ng Armed Forces of the Philippines (AFP) at ang 1 barko ng China Coast Guard.
Ayon sa pahayag na inilabas ng National Task Force for the West Philippine Sea, nangyari ito alas-6 ng umaga ng Linggo, October 22, habang nagsasagawa ng panibagong rotation and resupply mission sa BRP Siera Madre na nasa Ayungin Shoal.
Kita sa mga video na kuha mula sa supply boat na Unaiza May 2 ang pagdikit ng barko ng China.
Sa isa pang video mula sa himpapawid, makikitang deretso ang takbo ng supply boat na hinahabol at sinusubukang harangan ng chinese vessel.
Sa isa pang video, kita namang bumangga ang Chinese maritime militia vessel sa port side ng ng BRP Cabra ng Philippine Coast Guard (PCG) habang ito ay nakahimpil may 6.4 nautical miles mula sa Ayungin Shoal.
Sa isang pahayag, mariing kinondena ng National Task Force for the West Philippine Sea ang mapanganib, iresponsable at iligal na gawain ng China Coast Guard at maritime militia na paglabag sa soberanya ng Pilipinas,
At tahasang pagbale-wala sa UNCLOS, Maritime Conventions para maiwasan ang banggaan sa karagatan at ng 2016 arbitral award.
Sa isang post sa social media ni United States Ambassador to the Philippines Marykay Carlson, sinabi nito na mariing kinokondena ng Estados Unidos ang pinabagong disruption ng China sa resupply mission ng Pilipinas sa Ayungin Shoal.
Naisapanganib aniya nito ang buhay ng mga Pilipinong sakay ng supply boat.
Naninindigan aniya sila kasama ng kanilang mga kaibigan, partners at kaalyado sa pagtatanggol sa soberanya ng Pilipinas.
Sa kabila naman ng panghaharang at pambu-bully ng China ay matagumpay pa ring naisagawa ang pinakabagong RORE mission ng AFP at PCG.
Tags: AFP, Chinese Coast Guard, PCG, West Philippine Sea
METRO MANILA – Kinumpirma ng Philippine Coast Guard (PCG) na walang nawawala sa 10 navigational buoy na kanilang inilagay sa West Philippine Sea.
Ayon kay PCG Commandant Admiral Artemio Abu, batay sa isinagawang aerial inspection kahapon (June 6) sa Palawan nananatili pa rin sa orihinal na posisyon ang 2 navigational buoys.
Nauna nang napaulat na nawawala ang mga naka-install na boya malapit sa Balagtas at Julian Felipe Reefs.
Tiniyak naman ni Admiral Abu, patuloy na babantayan ng PCG ang soberanya at karapatan ng Pilipinas sa pinag-aagawang teritoryo.
Tags: Buoy, PCG, West Philippine Sea
METRO MANILA – Suportado ng Estados Unidos ang Pilipinas matapos ang ulat ng umano’y pangha-harass ng Chinese navy sa mga barko ng Philippine Coast Guard (PCG).
Sa isang pahayag, sinabi ni US State Department Spokesperson Matthew Miller na isang paraang ng intimidation at harassment naging aksyon ng China matapos lumabas ang isang video noong nakaraang Linggo.
Isang Chinese Coast Guard ang muntikang nang tumama sa isang Philippine Patrol Vessel 105 nautical miles west ng Palawan noong April 23.
Nanawagan din ang opisyal sa Tsina na itigil na ang mga nasabing hakbang. Tiniyak din nito na patuloy din mino-monitor ng US ang stiwasyon.
Depensa ng China, ang nangyaring insidente ay dahil umano sa “Premeditated and Provocative Action.” ng Philippine patrol vessel .
Samantala, tiniyak anamn ng Department of Foreign Affairs (DFA) na muling maghahain ng karampatang diplomatic actions ukol dito.
Ayon kay DFA Spokesperson Ambassador Teresita Daza, hinihintay lang nila ang official report mula sa PCG patungkol sa insidente.
(Aileen Cerrudo | UNTV News)
Tags: China, PCG, US, West Philippine Sea
