METRO MANILA – Nakatanggap ng maraming reklamo ang Metropolitan Waterworks and Sewerage System (MWSS) sa mga customer ng Maynilad, hindi umano nila alam na mawawalan sila ng tubig.
Ang impormasyong nakuha ng MWSS ay nag-text blast naman ang Maynilad pero dapat din daw ay i-post ito sa lahat ng social media account ng kumpanya dahil hindi naman lahat ay naka subscribe sa text messaging.
Ayon kay MWSS Chief Regulator Patrick Ty , tumugon naman agad dito ang Maynilad pero ang gusto pa nilang malaman ay kung bakit kailangang magpatupad ng water interruption.
Pahayag ng Maynilad, nagpatupad sila ng water service interruption sa gabi para hindi kapusin sa araw o during peak hours.
Ayon sa MWSS kapag hindi sila kumbinsido sa paliwanag ng Maynilad ay maaari nilang utusan ito na magbigay ng rebate sa mga apektadong customer gaya ng nangyari kamakailan lang.
Ang isa sa maaaring matanggap na dahilan sa pagpapatupad ng water interruption ay ang kakulangan ng supply ng tubig o kung naapektuhan ito ng kalamidad.
(Rey Pelayo | UNTV News)
Tags: Maynilad, MWSS, Water interruptions
METRO MANILA – Bumaba sa 193.06 meters ang lebel ng tubig sa Angat dam kahapon (April 18) mula sa 195.10 meters noong April 11.
Batay sa monitoring na isinagawa ng Metropolitan Waterworks and Sewerage System (MWSS), kada araw naman ay nasa 30-40 centimeter ang nababawas sa dam.
Pinangangambahan na umabot ang lebel ng tubig nito sa 180 meters na minimum operating level ng Angat dam.
METRO MANILA – Inihayag ng Metropolitan Waterworks and Sewerage System (MWSS) ang plano nitong magpatupad ng water pressure reduction sa susunod na buwan sa Metro Manila.
Sa pamamagitan nito, inaasahang mama-manage ng maayos ang suplay ng tubig sa NCR, ngayong nalalapit na ang panahon ng tag-init sa bansa.
Paglilinaw ng MWSS, hindi naman mawawalan ng tubig ang mga customer kundi babawasan lamang ang pressure tuwing off peak hours.
Kung dati ay umaabot ng ikalawang palapag ng bahay ang tubig sa gripo, maaring hanggang first floor na lamang ang kayang maabot ng tubig kapag binawasan ang pressure nito.
METRO MANILA – Aprubado na ng Metropolitan Water Works and Sewerage System (MWSS) regulatory office ang pagtaas sa singil ng Maynilad at Manila Water sa susunod na taon.
Ito ay dahil sa tariff adjustment bunsod naman ng inflation.
Para sa Maynilad customers, nasa P7.87 ang average increase sa kada cubic meter na konsumo.
Katumbas ito ng P4.74 na ang dagdag sa bill kada buwan para sa low-income lifeline consumers o nasa 10 cubic meters and below ang nakokonsumo .
P100.67 sa mga kumukunsumo ng 20 cubic meters at 205.87 sa mga kumukunsumo ng 30 cubic meters.
Para naman sa Manila Water customers, average na dagdag na P6.41 sa kada cubic meter.
Ang epekto nito sa mga residential area na nasa low-income lifeline consumers ay dagdag na P2.96 sa buwanang bill .
Additional na P76.68 na dagdag para sa 20 cubic meters at 154.55 sa mga kumukunsumo ng 30 cubic meters. Mag-uumpisa ang dagdag singil sa 2024.
Payo ng MWSS, sa mga maliliit lang ang sweldo at hindi hihigit sa 10 cubic meters ang konsumo ay maaari namang mag apply bilang mga lifeline customer.
Sa ganitong paaraan ay mas mababa ang magiging rate na kanilang babayaran.
Tags: Manila Water, Maynilad, MWSS
