MANILA, Philippines – Umapela sa Korte Suprema ang grupong Migrante International at ilang Overseas Filipino Workers (OFW) para maipawalang-bisa ang ilang probisyon ng Republic Act 11199 o Social Security Act of 2018, partikular na ang probisyong ginagawang mandatory ang Social Security System (SSS) membership para sa mga seabased at land-based ofws .
Sa ilalim nito, hindi employer kundi ang mismong ofw ang magbabayad ng kontribusyon. Ayon sa ilang ofw, pahirap sa kanila ang naturang probisyon dahil iniipit sila nito sa pagkuha ng kani- kanilang mga requirements. Pati ang grupong Bayan Muna, nakiisa sa panawagang alisin ang probisyon.
“Unlike sa mga manggagawa dito sa Pilipinas kung saan employer ang nagbabayad ng 2/3 ng bayad. Ang batas nagsasabi na ang buo ay babayaran ng ofw kasi hindi naman nauutusan ang employer sa abroad na mag share.” ani Dating Bayan Muna Partylist Representative’ Atty. Neri Colmenares.
Ayon sa grupong migrante, hindi makatarungan ang RA-11199 dahil ang pwersahang koleksyon ay nangangahulugan ng hindi patas na pagtrato sa mga Pilipinong manggagawa sa ibang bansa.
” Ang unfair po kasi e. Dito po sa batas sinasabi na sila ay selfemployed at kakarguhin po nila iyong kontribusyon na dapat ang nagcocontribute ang mga employer.” ani Migrante International Vice Chairperson, Arman Hernando .
(Mai Bermudez | UNTV News)
METRO MANILA – Inihahanda na ng Social Security System (SSS) ang Calamity Loan Assistance Program na maaring i-avail ng mga Overseas Filipino Workers (OFWs) na naapektuhan ng malakas na lindol sa Taiwan.
Ito ay para sa mga OFW na pawang mga miyembro ng SSS.
Ayon kay SSS President and CEO Rolando Macasaet, ito ang unang pagkakataon na kanilang ie-extend ang loan program para sa mga Filipino worker na biktima ng kalamidad sa ibang bansa.
Paliwanag ng SSS ang calamity loan ay kanila lamang ino-offer para sa mga miyembro na apektado ng kalamidad sa Pilipinas.
Sa datos ng SSS, mayroong nasa 10,000 OFWs na active members ang nagta-trabaho sa Taiwan.
Tags: Calamity Loan, SSS, Taiwan OFWs
METRO MANILA – Nilagdaan na nitong Sabado March 2 ng Department of Migrant Workers (DMW), Landbank of the Philippines at Overseas Filipino bank ang isang kasunduan para mapabilis ang release ng Saudi claims ng Overseas Filipino Workers (OFW’s).
Sa pamamagitan ng naturang hakbang, mapabibilis ang proseso ng mga cheke mula sa gobyerno ng Saudi Arabia para sa hindi nabayarang sahod, benepisyo, at iba pang hinaing ng mga displaced OFW na nawalan ng trabaho matapos ma-bankrupt ang kanilang mga kumpanya sa nasabing bansa noong 2015 at 2016.
Nabuo ang nasabing kasunduan kasunod ng nangyaring sideline meeting ni Pangulong Ferdinand Marcos Jr. Kay Saudi Crown Prince Mohammed Bin Salman sa isinagawang ASEAN leaders summit sa Bangkok, Thailand noong nakaraang taon.
METRO MANILA – Hinihimok ng Commission on Elections (COMELEC) ang mga Pilipino sa ibang bansa na magparehistro para sa 2025 midterm election.
Sa social media post ng Comelec, ipinaalala ng commission na mula January 1, 2024 mayroon na lamang 273 days o hanggang sa September 30, 2024 para makapagparehistro ang mga overseas voters.
Kinakailangan lamang na dalhin ng mga magpaparehistro ang kanilang valid Philippine passport sa pinaka malapit na Philippine Embassy o Consulate General o sa idedesignate na registration centers sa Pilipinas.
Dagdag pa ng komisyon, sa naturang registration period, tatanggap din sila ng iba pang poll-related application tulad ng pag-a-update ng address at iba pang detalye at checking o reactivation ng voters registration status.
