Mula sa 19 bilyong piso, 5.2 bilyong piso na lamang ang panukalang pondo ng Department of Trade and Industry (DTI) para sa taong 2019 matapos itong kaltasan ng Department of Budget and Management (DBM). Paliwanag ni DTI Secretary Ramon Lopez, prayoridad umano ng DBM ang mga infrastructure projects at social services.
Ngunit sa budget hearing na isinagawa kahapon sa mababang kapulungan ng Kongreso, kinuwestyon ng ilang mambabatas kung kakayanin pa rin ng kagawaran na makapagsagawa ng maayos sa kabila ng maliit na budget.
Nakaltasan ng 6 milyong piso ang budget ng consumer protection group habang zero budget naman para sa shared service facility program ng DTI.
Ayon kay ACT Partylist Representative Antonio Tino, hindi makatwiran na kaltasan ang budget para sa sangay na nangangalaga sa kapakanan ng mga consumer.
Aminado naman si DTI Sec. Mon Lopez na magkakaroon ng epekto sa kanilang mga programa ang maliit na budget na nakalaan sa kanila para sa susunod na taon.
Ayon kay Lopez, unang maapektuhan dito ay ang maliliit na negosyante na umaasa sa tulong ng DTI sa tinatawag na shared service facility.
Ito ay ayuda ng kagawaran sa mga small and medium enteprise upang magkaroon sila ng mga equipment sa negosyo.
Ayon sa DTI, malaking hamon para sa kanila na magampanan ang kanilang tungkulin lalo na at malaking isyu ngayon ang usapin sa pagpapalakas ng ekonomiya ng bansa.
Sinabi ng DTI na kahit mayroong mga programa na mawawalan ng budget sa susunod na taon, mayroon pa rin namang mga alternatibong programa na pwedeng salihan ng publiko.
Kabilang dito ang P3 program na naglalayong magpautang ng kapital sa mga malilit na negosyante at mga Go Local program na tumatangkilik sa mga locally made products.
( Mon Jocson / UNTV Correspondent )
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
